Lafaek News—Família husi saudozu Francisco Borja da Costa, hatoo apredesimentu boot ba governu tanba bele hetan hikas restus mortais iha loron domingo 21/08/2022, hodi ba haloot iha simiteriu Hera.
Jacinto da Costa nu’udar subrinu rasik husi Saudozu Borja da Costa, afirma autor poeta ne’e mate iha loron 07 fulan Dezembro 1975, iha rai okos durante tinan 47, ho familia no governu ninia esforsu hetan hikas ruin Borsa da Costa iha Lesidere.
“La’os sik de’it lae tuir Ernesto ema Lospalos nian hela iha Leusari hatudu mai ha’u ho nia mane foun Aquino Alves mak dehan hakoi duni iha Lecidere, katak Jacinto ba jornalista sira Lecidere loron, Domingo 21/08/2022.
Saudoso Francisco Borja da Costa mate hamutuk tinan 47, maibé familia esforsu too agora hetan duni restus mortais saudoso nian iha Lecidere mesmo la kompletu maibé agradese hetan balun.
“Triste ituan tanba iha tempu ne’eba ami la grava maibé Lori ami nain 2 mai hatudu iha loos movimentu avo Francisco Xavier nian nu’u hun ida sei iha uluk fatin lixu iha ne’e, ami mai duni iha hatudu mai ami entre rua ne’e besik liu lixu fatin, entaun iha 2011 kuandu governu fo ona kalen taka ona atu halo projetu iha Largo Lecidere ne’e, entaun ami mos mai kehe no buka iha ne’e, maibé seidauk iha preparativu atu kehe iha altura ne’eba ami laiha esperensia hodi buka mate ruin ami mai de’it la halo tuir ritual sira durante fulan Novembro nia ami la hetan buat ida, depois rona fali informasaun seluk husi kolega balun dehan uluk kuandu ema sobu ponte kais ne’eba ne’e walikota Dili kehe simente sira ne’e mai fakar hotu iha nee,iha tempu neeba ami kehe too metru rua ho eskavator ida maibé la hetan, depois para tiha, tinan 11 foin lalais ne’e iha outombro 2021 mak hanoin hetan hamutuk fila-fali hodi preparativus, maibé buat ida mak importante ita ko’alia kona-ba matebian ita tenke hakarak ida importante fo fuan la hetan saudoso nia ruin la kompletu, maibé naturalmente hetan balun sorty boot bele hetan,”Jacinto esplika.
Subrinu husi Saudozu Borja da Costa ne’e dehan, planu familia nian atu lori ba hodi funebre tuir kultura nian maibé tuir programa governu nian familia prontu entrega restus mortais ba governu.
“Ami nia programa familia nian katak foti materuin atu ba halot maibé laos atu ba halot de’it governu hakarak atu foti bele foti maibé gajiko nee nia rate ami halo tiha ona iha fatubereliu iha eskola EBB Francisco Borja da costa iha suku fatukae iha nia suku duni maibé hanoin katak buat hot-hotu bele lao diak balun dehan atu teste bele teste laiha buat ida laimpata governu nia planu ami sempre kumpri,” dehan Jacinto.
Familia lori kedas saudosu nia restu mortais ba nia fatin fatuberliu hodi halot tuir lisan hodi halo kompletu fali nia isin lolon durante kontribui ba nasaun Timor-leste.
‘’Lori kedas ba fatuberliu iha rai moris fatin halo tuir kedas ami nia lisan katak nia mate mean too rai ketak fatuberliu ho barique entre manatutu no manufahi nia klaran sei ketak tiha hodi lia hadat no lisan pois mak akompana ba uma hola lia fali sara lia fali hatama ba uma laran iha ami nia lian katak Hahunuk hodi hatais fali nia tanba ema dehan mate funu laran saudoso sira nian konserteja nia isin lolon nakles hotu ona dodok hotu ona entaun ita presija ita fo hatais fila fali nia hotu tiha aban dader husu misa hodi fo bensaun ba nia atu ba alot,no ami foti saudosu nia restu mortais ne’e aturizasaun governu nian iha ami ba husu buat tolu, lisensa, deskulpa no orientasaun antes ha’u nee ha’u nia subrino sira ba koalia hotu tiha ona iha tinan 2021 hanesan nia alin inan ida aman ida adat lisan ida ne’e mak ha’u tau aan ba hodi buka nia ruin grasa nain maromak nian antes ida husu mos nia kolega martires sira ne’ebe durante hamutuk nia iha tinan 47 imi hamutuk loro-loron diak maibé ha’u husu lisensa fo lai imi nia kolega ba ami hodi lori ba nia rai ami labele foti hotu imi tanba ami lahatene no lisan lahanesan,” Jacinto da Costa hakotu.
Jornalista : Arnaldo Nunes
Editor : Agapito de Deus
