Lafaek News—Dili nu’udar sidade Timor Leste nian hodi akumula emigrante oi-oin husi rai-laran no rai liur hobur Dili ho objetivu utiliza Dili hanesan ponte ba negósiu nian hodi atinje ema ida-idak nia objetivu moris loro –loron.
Sidade Dili iha vantajen no dezvantajen, bainhira ema ida-idak ho nia objetivu duni atu hela iha Dili buka di’ak no tau moe, hela tinan sanulu mos saugate, maibé Atsabe oan aproveita sidade Dili hodi buka moris liu husi negósiu kiik iha Tasi-Tolu hodi haruka osan ba inan-aman iha Atsabe atu nune’e prevene osan labele halai sai ba rai liur.
Agusta Goncalves ho idade 21, husi aldeia Hatuhu suku Lasaun postu administrativu Atsabe, munisípiu Ermera, ho hakarak rasik kore an husi kustume tane-liman ba inan-aman liu husi negósiu kiik hodi selu kos kada fulan no haruka mos osan uituan ba familia iha Atsabe.
Tátika Agusta kona-ba negósiu nian liu husi mekanizmu sosa haknauk tutan husi lojas ka supermerkadu hirak iha Dili laran hafoin lori ba fan iha Tasi-Tolu, hanesan sigaru, aqua, pulsa, serverza ABC no seluk tan, dala ruma ema ladun sosa, se sorte di’ak ema bele sosa too dolar 10 ka liu dolar 20 kada loron.
“Ha’u faan sasan loron ida hetan $ 10 dolar de’it no dala ruma laiha liu, osan rai hamutuk nia funan balun selu kos no balun haruka ba papa ho mama iha Atsabe, osan inan kontinua halo negosiu,” ba lafaek news iha Tasi-Tolu, kinta semana ne’e.
Agusta fan kioske kiik ne’e halo ho karosa ho modelu hanesan uma barraka kiik, komesa fan husi dadeer tuku 07 too tuku 14 kalan hafoin taka ho lona hodi fila hikas ba nia kos hodi deskansa, bainhira rona manu kokorek Agusta hader fali ona husi toba fatin hodi ba kontinua negosiu.
Ha’u faan sasan ne’e hahu iha loron 01 fulan Agusto tinan 2022, sasan ne’ebé ha’u faan hola iha loja Xina nian no sasan mak hanesan sigaru bee agua boot kiik grees delos Big Cola no seluk tan,ha’u mai Dili iha tinan 2018 iha Dili hela iha tasi tolu hela iha kos, kos fulan ida ha’u selu $ 35 dolar hamutuk ho bin no osan sira ne’e mak balun hola ba hahan, ha’u faan sasan ne’e too kalan tuku 02:00 madrugada mak foin fila ba deskansa dadersan jam 05/06 ha’u mai fali, ha’u mesak laiha ema ida mak ajuda hein, ha’u hakarak faan iha merkadu maibé fatin mak laiha,’’ katak negosiante ne’e.
Bainhira remata dada lia ho Atsabe-oan ne’e, nia dehan hanesan joven sira labele moe no labele tauk, tenke brani kompete ho negosiante rai liur atu nune’e hadau netik osan labele semo ba liur, osan bele sirkula iha rai-laran.
Jornalista : Arnaldo Nunes
Editor : Agapito de Deus
