Lafaek New–Organizasaun Noun-Governamental (ONG) Forum Komunikasaun Feto Timor-Leste (FOKUPERS) hahú husi fulan janeiru to’o setembru 2025, rejista kazu violasaun bazeia ba jeneru hamutuk atus ida hitu-nulu-resin sia (179) kazuz hirak ne’e as liu iha Liquisa ho Ermera, no kazu hamutuk 60 mak kontinua ba tuir prosesu legál.
Asunto ne’e hato’o husi Diretora Ezkutiva Fokupers Domingas Afonso Amaral ba jornalista sira, iha ámbitu komemorasaun loron 16 ativizmu kontra violénsia hasoru feto no labarik-feto iha Tasi-Tolu, Dili, Kuarta-feira, 10 dezembru 2025.
“Dadus hahu husi janeiro mai to setembro hamutuk 179 ne’ebe mak rejistu iha Fokupers nia Data page no husi kazu hirak ne’e, 60 konsege ita akompanha to’o iha prosesu legal, asesu ba iha justisa nian no iha tinan ida ne’e,ita bele hare’e katak iha resultado posetivu balun ne’ebe nia prosesu kazu ne’e aselera lais liu mak kazu violasaun sexual ba minoridade”Diretora Ezkutiva Fokupers Domingas Afonso amaral esklarese ba jornalista sira iha tasi-Tolu.
Nia haktuir, kazu hirak ne’e maioria violasaun fíziku no violasaun sexual no mos violasaun ba labarik menoridade no-mos kazu maioria mak abandona.
“ Maioria kazu ne’ebé mak ami rejistu violasaun fiziku ida ne’e mak ho númeru ne’ebé maka’as maibe ita mos konsiente katak kazu ba iha violasaun sexual no mos violasaun ba iha labarik menoridade ida ne mos kontinua iha numero ne’ebe mak as no mos barak liu mak abandona,” dehan Jestora Fokupers.
Jestora FOKUPERS ne’e salienta ho kazu hirak ne’ebeas iha Timor-Leste, ba da-daun parte hotu-hotu no entidade tomak komesa halo esforsu hodi prevene liu husi sosializasaun formasaun no mós fahe informasaun liu husi plataforma media sosial atu bele bolu ema hotu nia atensaun atu halo prevensaun no muda ema nia konsiénsia.
“Ha’u hanoin parte hotu-hotu no entidade hotu komesa halo esforsu lubuk ida atu halo prevenssun liu-liu iha media sosial no mos sosializasaun no formasaun atu bele bolu ema hotu-hotu nia atensaun halo prevensaun no muda ema nia konsiensia liliu oinsa atu bele kontribui ba iha haoara Violensia” Domingas Afunso informa.
Entretantu kazu hirak ne’ebe Fokupers rejista maioria liu iha mumisipiu Liquiça no munisipiu Ermera.
Jornalista: Gracia Soares
