Lafaek News—Ermera/23/04/2024 Governu liu husi Vise Primeiru Ministru No Ministru Koordenador dos Assuntos Sosiais no Ministru Dezenvolvimentu Habitasaun Rural e komunitáriu hamutuk Vise Ministru Fortalessimentu Institusional Saude no United Nation Popalation Fund (UNPFA embaixador Australia,) no Autoridade munisípiu Ermera halo lansamentu sentru kuidadus emerjensia obstetriku no neotal – báziku kemon iha Gleno Ermera.
Iha lansamentu ne’e, Mariano Asanami Sabino lori governu hato’o, agradese ba Autoridade Munisípiu Ermera no ba servisu saúde hotu iha Ermera , Ajénsia Internasional sira hotu no espesial ba Embaixada Austrália ne’ebé fo apoiu tomak ba estabelesimentu Sentru KEmON iha Gleno
“Primeiru ita hotu nia orgullu agradese ba Embaixada Australia i povu Australia tanba fo Apoiu tomak liu husi UNFPA, bele apoiu ita iha ne’e UNFPA komesa apoiu ita hahú husi 99 to mai ohin loron, ita hotu hatene Austrália Hanesan ita nia nasaun maun-alin ita sempre apoiu malu, Austrália nia apoiu la’ós ida ne’e de’it, maibé sira mós hakarak hadia kualidade asistensia ba saúde iha ne’e, sira mós iha programa nutrisaun ba labarik, no sira mós iha programa seluk ba apoiu setor agrikultura tanba ne’e ita apresia,” Assanami sublina.
Vise Ministru da Saúde José dos Reis Magno akresenta programa saúde inan no sai hanesan programa prioridade ba governu da-9 atu bele hamenus taxa Mortalida inan no oan iha Timor leste
“Taxa mortalidade sai hanesan preokupasaun nasionál maske hatudu ona redasaun, maibé ita sei konsidera nafatin as kompara ho nasaun sira seluk iha rejiaun sudeste Asiatiku, Timor leste presiza nafatin aumenta kualidade saúde ba nia povu liu husi infrastrutura ne’ebé besik liu ba komunidade no presiza iha rekursu humanus ne’ebé kualifikadu ba asistensia saúde, Ministru da Saúde ho nia Parseiru sira liuliu UNFPA, hakarak apresia tebe tebes ba UNFPA ,ne’ebé servisu hamutuk ho objetivu atu hamenus taxa Mortalida no morvilidade inan ho oan iha nasaun ida ne’e, lori MS nia naran hakarak agdese ba governu Australia ne’ebé liu husi líderansa senhora Embaixadora, Caitlin Wilson bele fo ona Apoiu finanseiru hodi hari sentru kuidadus emerjensia obstetriku no neotal-baziku iha Gleno ho objetivu atu kuidadu inan no oan
Administradór Munisípiu Ermera José Martinho dos Santos Soares Agradese tebes ba ba governu da-sia ho ajénsia internasional UNFPA no Governu Australia liu husi Embaixadora Australia iha Timor Leste ne’ebé servisu hamutuk hodi hari Sentru kuidadus emerjénsia obstétriku no neotal-báziku iha Gleno munisípiu Ermera.
Ikus iha Serimonia Lansamentu ne’e distribui mós sertifikadu husi UNFPA ba profisional saúde na’in hitu ne’ebé mak antes ne’e hetan formasaun
Jornalista : Mateus F. de Deus
Editor : Agapito de Deus
