EKONOMIA · 26 Apr 2024 09:13 ·

Traballadór Austrália Fulan 1 Manan $ 4.000 Too $ 5.000


Traballadór Austrália Fulan 1 Manan $ 4.000 Too $ 5.000 Perbesar

Lafaek News—Traballadór Timor-Oan Abel Marçal Martins, husi munisipiu Ermera, postu administrativu Railaku, suku Fatukeru, aldeia Palimanu, nia hetan oportunidade ba servisu iha Austrália fulan ida hetan osan $4.000 to’o 5.000.

Iha tinan 2015 bainhira remata estudu iha ensinu sekundariu, hanoin atu kontinua ba universidade, maibé ekonomia familia la sufisiente, husi ne’e nia ho mehi ida katak dalan di’ak liu tuir formasaun, nune’e husi foho mai Dili hodi aproveita formasaun lian Korea, maibé resultadu husi kursus ne’ebé nia tuir, test dala tolu ona la liu, husi ne’e ema laran di’ak balun fasilita fali nia iha vaga online Austrália no nia pasa iha loron 26/09/2022.

Osan ne’ebe manan husi servisu Australia nian halo uma ne’ebe ho kualidade.

 Bainhira nia sai husi Timor-Leste ba Australia, nia sente hanesan buat foun ida ba nia, tanba foin ba mak ba ema nia rain no ambiente husi nasaun ida ho nasaun seluk la hanesan, maibé to’o iha ne’eba nia sente di’ak, maske seidauk domina ambiente husi fatin ne’ebé nia servisu.

“Servisu ne’ebé nia halo iha nasaun Austrália, iha área fábrika husi kompañia (MIL FIL), no servisu kona-ba Chiller, husi kompañia ne’e rasik nia kontratu tinan (4), maibé nia foin mak servisu tinan ida fulan lima, husi servisu ne’ebé nia halo, kompañia selu tuir level, iha ne’eba sé level 1 salariu $21. 50, kada oras ida, maibé buat hotu fila ba ita nia servisu, sé ita badinas no hatudu hahalok ne’ebé diak kompañia sei hasae ita nia salariu, husi ne’e kompañai haree nia servisu diak no hasa’e nia ba level 3 no ikus mai hasa’e tan ba level 5, kada oras ida kompañia selu $30 dolar Australia”, nia afirma.

Servisu ne’ebé nia halo, kompañia seluk la’os fulan-fulan, maibé semana-semana, sé semana ida mak ita servisu to’o Sabadu, kompañia sei selu $1.200 ka $1.300, ida ne’e hanesan salariu husi semana-seman nian, maibé fulan ida nia hetan $4.000 to’o $5.000, dolar Australia.

“Osan ne’ebé nia hetan tenke maneza halo didiak, tanba ita sai husi Timor-Leste mai rai Australia ho objetivu ida katak, buka servisu atu hadia moris familia no sosiedade, maske do’ok husi fen ho oan no inan aman maun alin sira, maibé situasaun moris obriga ita tenke hili dalan ida ne’e, husi dalan ne’ebé ita hetan hanesan grasa ida husi Nai Maromak, tanba ne’e mak nia uza oportunidade ne’ebé nia hetan, servisu rai osan no fila mai Timor hodi hadia moris familia nomós dezenvolve rai ida ne’e”, nia salienta.

Nia relata, husi osan ne’ebé nia hetan, sorin balun haruka mai familia hodi husu misa ba matebian sira no sorin balu nia rai, husi osan ne’ebé nia rai haruka mai familia sira hodi sosa rai no halo ona uma rua ida ba katuas ferik no ida ninian rasik.

“Rai ne’ebé nia sosa $5000 dolar ho medida 20 kali 25, no uma ne’ebé nia halo ho medida 10 kali 12, kuartu ne’en inklui dapur no haris fatin iha laran hotu, total osan sosa rai no halo uma hamutuk $20.000 USD”, Nia afirma.

Nia dehan, halo komparasaun iha tempu uluk bainhira seidauk ba servisu iha rai Australia, hela ho ferik, katuas no maun alin sira iha uma ne’ebé kondisaun la diak no didin ho kalen att, maibé agradese ba Nai Maromak nia hetan oportunidade hodi ba servisu iha Australia hodi halo mudansa ba moris, hanesan halo uma ba ferik ho katuas nian, nomós ninian, alende ne’e mós selu alin sira nia eskola.

“Iha uma laran hamutuk ami na’in 10, mane ne’en no feto ha’at, nia hanesan mane bo’ot iha familia uma laran, bainhira seidauk iha servisu nia sente todan ba moris ida ne’ebé sira hasoru, maibé husi todan ne’ebé nia sente no familia sente, hahú kore-an husi mudansa ba moris diak, tanba hetan oportunidade ne’ebé diak hodi servisu iha nasaun Australia, maske todan, maibé forsa nafatin hodi luta hasoru laloran ne’ebé siak”, nia agradese.

Entretantu Manuela Martins Soares hanesan fen husi Abel Marçal Martins, hatete nia sente kontete ho oportunidade ne’ebé nia kaben hetan, tanba nia hetan mane ida ne’ebé hatene buka osan hodi responsabiliza ba nia fen ho oan nomós familia uma laran.

“Husi osan ne’ebé nia kaben haruka husi Australia mai, hodi sosa hahan ba nia oan nomós nesesidade uma laran, tanba ne’e hanesan fen sente kontete tebes ho oportunidade ne’ebé mak nia laen hetan, husi oportunidade ne’e rasik halo ona uma rua, ida ba nia inan ama no ida ami nain 3 nian, no agora daudaun nia sei iha ne’e, tanba nia foti cuti mai halimar iha ne’e, hodi hadia uma no halimar ho familia, depois de fulan ne’e remata nia fila fali ba Australia hodi kontinua servisu”, kaben Manuela hakotu.

Tuir dadus husi SEFOPE, Diresaun Nasional Empregu Extranjeiru (DNEE), relata katak iha tinan 2012 to’o 2023, traballadór ne’ebé servisu iha nasaun Australia hamutuk 13295, husi númeru ne’e, munisipiu Ermera total traballadór 1311, kompostu husi feto 320 no mane 991.

Husi dadus ne’ebé ami hetan, ekipa media tour ne’ebé realiza husi AJTL ho Oxfam iha Timor-Leste, kompostu husi media nasional 13.

Dadus husi Diresaun Nasional Empregu Estranjeiru SEFOPE nian, hahú husi tinan 2012-2023, entre 13295 nebé ba servisu iha Australia, trabalhador 1311 husi munisipiu Ermera.

Jornalista : Crispin de J. Amaral

Editor         : Agapito de Deus

 

286 Views
Artikel ini telah dibaca 8,003 kali

Baca Lainnya

ILO Ho Tradelnvest  Haforsa Negosiu Nu’u Ba Coconut Oil Iha TL

23 May 2024 - 17:26

BUNDA Loke Servisu ba Komunidade Liu Husi Transforma Aihan Lokal ba Aihan Modernu   

26 April 2024 - 23:24

FJDE Apoiu EhD Dezenvolve Setor Kafe Uut Sirkula Ona Iha Merkadu Nasional

22 April 2024 - 15:52

Grupu Hortikultura Maudiu II Glenu Fulan 1 Hetan $ 2400, Sosa ona Kareta 2 Ho Uma Luxu 3

22 April 2024 - 15:28

SEKopp Halibur Movimentus Kooperativa Nudar Baze Fundamentu Ekonomia Família

6 April 2024 - 12:44

Fernando Lay Lamenta ho Desizaun DNTT Hapara Motor 3 Roda ho Tum-Tum  

4 April 2024 - 10:41

Trending di EKONOMIA