EKONOMIA · 26 Apr 2024 23:24 ·

BUNDA Loke Servisu ba Komunidade Liu Husi Transforma Aihan Lokal ba Aihan Modernu   


BUNDA Loke Servisu ba Komunidade Liu Husi Transforma Aihan Lokal ba Aihan Modernu    Perbesar

Lafaek News—Komunidade Lézbika Gay Bi-Sexuál Transjeneru no Inter-Seksu (LGBQI+), ho naran Venâncio Abilio Soares ho naran konesidu “Bunda” loke kampu servisu ba komunidade sira hodi transforma aihan local nakfilak ba aihan modernu no lori ba fan iha merkadu Glenu munisípiu Ermera.

Iha entrevista ho Lafaek News bunda hateten laiha joven ida mak iha hela iha kotuk, maibé ema hotu direitu hanesan atu bele halo negosiu buka osan hosi sustenta nesesidade moris loro-loron nian no grupu negosiu ne’e lokaliza iha aldeia Pulimanu suku Fakukeru postu administrative Railaku munisípiu Ermera.

Bunda hanesan membru husi komunidade Lézbika Gay Bi-Sexuál Transjeneru no Inter-Seksu, nia sente livre no haksolok, tanba hetan apoiu husi inan-aman no maun alin sira hodi halo nia atividade kada loron, tanba nia hanesan ema ne’ebé kriativu iha atividade hotu hanesan suku ropa, kuda ai-funan, Master of Ceremony (MC) nomós transforma ai-han lokal sai ai-han modernu hanesan ai-farina sai tregu no maek sai kripik.

Bunda halo servisu ne’ebé multi-funsaun ajuda inan-aman iha uma laran hanesan suku ropa, tein, fase ropa nomós haree labarik, husi atividade hirak ne’e, hanorin nia atu kompete mós iha atividade seluk hanesan master of ceremonia (MC), tein iha festa kazamentu, nomós infeita (dekorasi) iha kualker atividade, inklui transforma ai-han lokal sai ai-han modern.

Xefe Suku Fatukero Leonicia Trindade, imajen LN Crispin de J. Amaral

Naran Bunda ne’e mai husi ninia tian, bainhira nia ajuda nia Tian partus iha ospital, husi ne’e nia Tian bolu bei-beik naran Bunda, to’o komunidade hotu toman bolu naran Bunda too ohin loron, maibé Bunda nia laran loos mak Venancio Abilio Soares ho naran koñesidu Bunda, nia hanesan oan mane dahuluk husi maun alin nain lima, feto rua no mane tolu, oras ne’e nia hela hamutuk ho familia iha aldeia Palimanu, suku Fatukeru, Postu administrativu Railaku, munisipiu Ermera.

“Ha’u moris hanesan LGBTQI+, maske moris ho jenéru feto, maibé nia la hetan deskriminasaun ruma husi familia, familia konsidera hanesan oan mane bo’ot iha uma laran, no sempre respeita ba nia, Bunda mós sempre apoiu atividade uma laran,” Bunda haktuir.

Bunda dehan, ba da-daun iha mehi ida atu harii grupu iha fulan ida ne’e nia laran no nia mak sei organiza grupu ne’e rasik, husi grupu ne’ebé nia harii sei tau prioridade liu ba suku roupa hanesan hena-meza, ponti cruz no hena desfiadu, husi produtu hirak ne’e nia presu normal $5, tanba hena ne’ebé sira suku ema sempre sosa, osan hirak ne’e, sei rai iha grupu, hafoin grupu jere hodi selu membru sira, tanba grupu ne’ebé nia atu harii, akumula maluk feto de’it hamutuk 11.

“Objetivu harii grupu, atu ajuda kolega feto sira ne’ebé laiha servisu, hodi buka osan sustenta ekonomia familia uma laran, tanba osan ne’ebé ami hetan husi suku, sei rai hamutuk iha grupu nia laran, bainhira osan ne’e barak ona mak foin selu membru sira hodi apoiu nesesidade familia nian,”Bunda dehan.

Abel Xavier Amaral hanesan Bunda nia aman rasik. imajen LN Crispin de J. Amaral.

Sorin seluk, Abel Xavier Amaral hanesan Bunda nia Papa, hatutan modelu ne’ebé Bunda halo, iha tempu ki’ik to’o ohin loron nia sempre hatudu hahalok ida hanesan feto, maske nia iha maun alin nain rua ne’ebé forma ona uma kain, maibé Bunda seidauk iha hanoin ida atu forma familia, tanba nia hakarak iha uma de’it halo saida mak nia hatene.

“Ha’u hanesan Aman sempre suporta nia iha parte saida de’it, no husi nia livre atu ajuda familia no ema seluk, no ha’u sempre iha domin ba nia, maske nia jeitu hanesan ema feto, tanba nia mak oan mane primeiru husi aman nia lalatak iha familia uma laran, tanba jeitu ne’ebé nia iha, desde tempu uluk to’o ohin loron, no jeitu ne’e rasik mai husi ami nia tiun ida hahalok hanesan feto mós, bainhira iha tinan 1975, ami halai ba ai-laran ema tiru mate tia ami nia tiun ne’e, husi ne’e mak ha’u nia oan mane ne’e mós lori hahalok ne’ebé mak nia tiun halo iha tempu ne’eba, maske iha ema ruma hasai liafuan ba nia dehan panleru, maibé hanesan aman senti laran moras uituan, tanba hahalok ne’ebé nia halo nunka halo aat ba sé de’it, nia sempre haree ema hotu hanesan nia familia, nune’e nia sempre ajuda atividade saida de’it karik ema ruma presiza nian”, Bunda nia papa informa.

Sorin seluk, xefe suku Fatukeru, Leonicia Trindade hakturi, iha nia mandatu sei tau prioridade liu ba ema defisiénsia, joven feto no mane nomós komunidade LGBTQ+, atu nune’e labele halo diskriminasaun ema ida tan de’it nia rasa no sexu, maibé haree ema hotu hanesan, tanba ema hotu iha diretu ne’ebé hanesan.

“Dala barak mosu iha sosiedade nia hanoin hodi hasai liafuan kasar dehan mane panleru ka feto bermanek nomós mane buifeto, karik ha’u rona liafuan sira hanesan ne’e mak mosu ba ita maluk sira hanesan ne’e, sei bolu nia no nia inan, aman hodi responsabiliza ba aktus ne’ebé mak nia oan halo, tanba moris iha mundu ne’e, la’os ita mak kria, maibé kriasaun ne’ebé iha tuir planu Maromak nian, tanba ne’e mak husu ba komunidade hotu, liuliu iha suku Fatukeru, labele halo diskriminasaun ba ema ida nia moris, tanba ema hotu moris mai iha diretu ne’ebé hanesan ho ema seluk, hodi halo atividade saida de’it mak sira bele, atu nune’e kontribui ba dezenvolvimentu rai ida ne’e nian”, xefe suku informa.

Husi atividade ne’ebé Bunda halo, ekipa media tour ne’ebé organiza husi AJTL, servisu hamutuk ho Oxfam iha Timor-Leste, hodi aloka jornalista sira ba halo kobertura iha munisipiu Ermera, postu administrativu Ralaku, suku Fatukeru, aldeia Palimanu.

Jornalista : Crispin de J. Amaral

Editór       : Agapito de Deus

101 Views
Artikel ini telah dibaca 44 kali

Baca Lainnya

ILO Ho Tradelnvest  Haforsa Negosiu Nu’u Ba Coconut Oil Iha TL

23 May 2024 - 17:26

Traballadór Austrália Fulan 1 Manan $ 4.000 Too $ 5.000

26 April 2024 - 09:13

FJDE Apoiu EhD Dezenvolve Setor Kafe Uut Sirkula Ona Iha Merkadu Nasional

22 April 2024 - 15:52

Grupu Hortikultura Maudiu II Glenu Fulan 1 Hetan $ 2400, Sosa ona Kareta 2 Ho Uma Luxu 3

22 April 2024 - 15:28

SEKopp Halibur Movimentus Kooperativa Nudar Baze Fundamentu Ekonomia Família

6 April 2024 - 12:44

Fernando Lay Lamenta ho Desizaun DNTT Hapara Motor 3 Roda ho Tum-Tum  

4 April 2024 - 10:41

Trending di EKONOMIA