Lafaek News—Ministériu Agrikultura Pekuária Peskas no Florestal (MAPF) liu hosi Diresaun Nasional Pekuária apoiu manu-rade hamutuk 20 ba grupu Hortikulura Sustentável (HS) hakiak hodi garante sustentabilidade ekonomia iha future.
“Ministériu Agrikultura diresaun pekuária ne’ebé tutela ba oinsá hakiak manuade, MAPPF konvida grupu hotu inklui Hortikulra Sustentavel partisipa hodi distribui fini manurade hamutuk 20 a kada grupu hodi hakiak,” Tékniku Planeamentu Mateus Barbosa ba Lafaek News hafoin remata formasaun iha suku Balibar postu administrative Vera-Cruz Munisípiu Dili, foin lalais.
Mateus reafirma, nia parte hatoo agradesimenti boot ba governu liu hosi Ministériu Agrikultura no Peskas liu hosi diresaun nasional pekuária ne’ebé apoiu ona fini manurade hamutuk 20 ba grupu Hortikultura Sustentável hodi bele responsabiliza hakiak atu bele sai barak atu bele responde ba merkadu.
“Ha’u lori horikultura sustentável nia naran hato’o agradese ba governu tanba bele apoiu ona ami grupu hortikultura sustentável, tan ne’e ba oin, ami sei loke tan espasu ba hakiak manu no aumenta tan traballadór hodi servisu kuidadu manurade 20 ne’e,” nia afirma.
Tékniku Planeamentu Grupu Hortikultura Sustentável ne’e haktuir katak, fatin ne’ebé atu hakiak manu-rade sei estabelese iha Hera, no bainhira produsaun barak sei halo espansaun ba Loes.
Entretantu, Gupu Hortikultura Sustentável atividade seluk mak kuda modo mutin, bringjela, Baria no tomate, lokaliza iha Loes postu administrativu Maubara munisípiu Likisá inklui Hera postu administrativu Cristu-Rei munisípiu Dili, total traballadór ne’ebé servisu iha grupu refere hamutuk 30 maioria joven no ba oin sei aumenta tan traballador hodi servisu hakiak manu-rade.
Jornalista : Natalino C. Lopes.
