Lafaek News—Ekipa Validasaun dadus frente externa kompostu hosi Mari Bin Amude Alkatiri, Agio Pereira, Estanislau ALeixo da Silva no Inés de Almeida, entrega ofisialmente lista Veteranus hamutuk na’in 118 ba Ministériu Asuntu Kombatentes Libertasaun Nasionál  hodi hala’o  verifikasaun molok taka sai ba públiku iha tempu badak

Ministériu Assuntu Kombatentes Libertasaun Nasionál, Gil da Costa”Oan Soru” informa ekipa validasaun ba dadus veteranus iha frente externa halo validasaun ba veteranus hamutuk na’in 118 no ohin  intrega ona ba Ministériu Asuntu Kombatentes Libertasaun Nasionál verifika iha tempu badak sei fo sai ba públiku.

“Dadus seidauk anúnsia ita boot sira balun ohin balu hasa’i fotografer ema totál hamutuk 118, iha ne’ebá iha diferente durasaun partisipasaun, agora ohin sira asina  iha tinan kotuk liu ba sira ekipa mak duni i ohin sira mak ami halo kontínuasaun ba verifikasaun ne’e atu nune’e sira bele valida  aprova hasai nia editál sira, más editál sira seidauk efetivu hein aban Prezidente ho Sekretáriu CCLN asina ikus mak foin anúnsiu ba públiku no sei anúsiu ba iha nasaun sira iha liur, hanesan Austrália, Portugál ba sira ida-idak nia partisipasaun tuir buat ne’ebé mak mensiona ona iha sistema baze dadus,” dehan Ministériu Asunto Kombatentes Libertasaun Nasionál Gil da Costa”Oan Soru ba Jornalista sira iha Salaun 3 de Marsu Maubai, Komoro, Tersa 02/06/2026.

Nia dehan ko’alia kona ba eskalau ida, rua no tolu, eskalau ida-ne’e katégoria ba 20 too 24, Ezemplu dois ne’e ko’alia kona-ba  15-19 agora sira seluk ne’e ba iha 8-14 balun la to’o.

“Ezemplu dois ne’e ko’alia kona-ba  15-19 agora sira seluk ne’e ba iha 8-14 balun la to’o porque iha ne’ebá ohin ita bo’ot akompaña kedas sira asina hotu mais iha balu ne’ebé mak la’ós kombatentes tanba atu rekoiñese nu’udar kombatentes nia partisipasaun ne’e no minimu ne’e tenke tinan tolu, tuir artigu 4 iha estatutu kombatentes libertasaun Nnasionál kuandu la to’o ida ne’e atualmente lae, ne’e partisipasaun en-jéral de’it la’ós dedikasaun esklusivu,”nia dehan

Nia esplika kona-ba lista ne’e indetifkasaun hosi ekipa validasaun mak identifika la’ós Ministériu Asunto Kombatentes Libertasaun Nasionál mak identifika no bainhira lista ne’e taka sai sé de’it mak halo kontestasaun tenke tuir lei.

“La’ós Ministru mak identifika, ministru ne’e lídera instituisaun ne’ebé mak tutela ba asunto ne’e maibé idetifika mós ka la’ós sira na’in hirak ekipa ne’e mak identifika, tanba verifikasaun ne’e sira mak halo, tan ne’e mak ita bo’ot sira atu anúnsiu ne’e ha’u dehan la bele nia prosesu sei tuir ami taka ba públiku kuandu iha reklamasaun ruma no kontestasaun ruma no protestu  la iha ona mak ita foin dehan lista ne’e definitivu mais kuandu ema sei iha direitu atu halo reklamasaun ema sei halo reklamasaun tuir lei envigor, ne’ebé ami sei fó tempu ba sira atu halo reklamasaun no kontestasaun ami halo tuir lei de’it, ami sei halo la sees husi lei ida,” nia sublina.

Entretantu ekipa verifikadór ne’e kompostu husi Marí Alkatiri, Ministru Prezidensial Agio Pereira, Estanislau Aleixo da Silva, no Treiseira Vise Presidente CCLN Inés de Almeida.

Jornalsita : Moises Guterres