Lafaek News—Prezidente Repúblika, José Ramos Horta foin sa’e sira ohin loron iha responsabilidade tomak demonstra paz ho dame iha sosiedade atu sai nain ba dame ho domin iha Timor.
Iha komemorasaun Masakre Santa Kruz 12 de Novembru 1991 ba dala-31, Prezidente Repúblika husu Povu Timor ba oin saida mak bele halo tenke halo, atu onra prinsípiu, sakrífisiu ne’ebé halo kontinua harii nasaun dame, pasífiku, harii nasaun ida ne’ebé moris iha demokrásia, iha multipartidarizmu, liberdade imprensa, liberdade relijioza, laiha diskriminasaun.
“Ba oin saida mak ita bele halo ka tenke halo atu onra prinsipiu, sakrifisiu ne’ebé hotu-hotu halo, ita kontinua harii nasaun dame, pasífiku, nasaun ida ne’ebé moris iha dame no domin nia laran. Tenke harii nasaun ida ne’ebé moris iha demokrásia, iha multipartidarizmu, liberdade imprensa, liberdade relijioza, laiha diskriminasaun”, deklara Prezidente Repúblika José Ramos-Horta iha diskursu hafoin partisipa komemorasaun Masakre Santa kruz 12 de Novembru 1991, ba dala-31 iha semitériu Santa Kruz, (Sabadu 12/11/2022).
Xefi estadu afirma, diskriminasaun ba grupu, étniku ka grupu relijiozu, relijiaun hotu-hotu kontinua simu malu, hanesan Timor Leste daudaun ne’e.
“Ita bele ba vítima sira Santa Kruz, ba vítima sira hotu-hotu, erói sira hotu mak kontinua prosesu harii nasaun ida livre, demokrátiku bazeadu direitu, justisa, inklui justisa ekonómiku, justisa sosiál”, dehan PR Horta.
Horta subliña, Timor Leste buka moris nafatin iha dame nia laran, PR husu ba joven hotu-hotu, joven dala ida de’it, tinan ida lakon, tinan ida ne’e la fila, buka estuda, bele difikuldade oi-oin, estuda nafatin no estuda liután.
“Ha’u nia mensajen ba joven sira futuru ne’e iha imi nia liman, joven sira Santa Kruz entrega ba ami jerasaun 1975, ami entrega ba imi futuru nasaun ne’e”.
Entretantu Prezidente Repúblika fundamenta, moris iha dame atu bele estuda iha dame, estuda ho seguransa, atu família, bele tauk, apelu ba joven hotu ne’ebé gosta tuda malu, favor para ne’e buka estuda, buka servisu.
Husi sorin seluk, Sekretáriu Estadu Juventude no Desportu, Abrão Saldanha, hanesan mos Komisaun Organizadora ba eventu komemorasaun Masakre Santa kruz 12 de Novembru 1991 ba dala-31 afirma, atividade ohin ne’e realiza hodi selebra ba loron juventude no loron masakre Santa Kruz ba foinsa’e sira liberdade iha liman rasik, atu omenajen di’ak liu ba joven sira ne’ebé mate ba Ukun Án ida ne’e priense liu husi kontribusaun paz estabilidade buka estuda nafatin buka esperensia, nafatin kontribui rai dezenvolve TL tanba joven mak pertense futuru.
“Ida husi komemorasaun sira hanesan ne’e halo refletesaun hahu ohin ba oin ita bele kontribui ba paz no estabilidade iha ita nia rai ifa ne’e”.
Jornalista: Rita Moniz
Editór : Agapito de Deus
