Lafaek news–Famílias no veteranus sira lamentavel ho servisu komisaun rekrutamentu F-FDTL ho razaun fo sai naran kandidatus membrus forsas armadas nian ema balun naran iha maibé veteranu nia oan naran lakon derepente.
Inodio M.A.A de Carvalho nu’udar família husi kandidatu F-FDTL Monica Tong husi postu administrativu Lospalos munisípiu Lautém, sente lamentavel ho razaun lista rezerva iha tinan kotuk nian balun taka iha kuadru avizu, maibé naran balun la taka, maske liu ona selesaun dokumentus
Ha’u ko’alia forsa foin da-daun ne’e sira nia naran taka sai ona balun iha rezerva no balun laiha, maibé iha rezerva mos naran la sai no ema ne’ebe sai ona membro F-FDTL mos nia naran nafatin taka sai no balun naran sai rua entaun sira impede maluk sira ne’ebé hakarak atu tuir teste rekrutamentu membro F-FDTL ho ida ne’e ami familia sira hakarak atu hasoru diretamente komisaun, maibé komisaun nunka atu atende ami, maibé komisaun haruka fali ami ba hasoru jenerál, más ami hatene jeneral Falur Rate Laek ne’e la’os ema baibain atu ami ba hasoru,’’ Inodio lamenta.
Iha sorin seluk, Inodio argumenta, família hakarak hatene lista rezervadu oinsá, tanba sidadaun hotu hakarak atu ezerse sira nia direitu nasaun demokrásia ne’e, problema mak ne’e, iha lista rezerva ne’e kandidatus seluk naran sai hotu, maibé Monica Tong nia naran laiha.
Ha’u nia alin naran nafatin la sai no maluk sira seluk naran la sai ami hakarak hatene de’it ida ne’e, sidadaun Timor nusa mai laiha direitu pois ema forsa ona nusa sira foti nafatin sira nia naran entaun imdepede maluk sira ne’ebé hakarak atu tama forsa, lista rezerva ema nain 18, maibé nain tolu liu tiha iha etapa dahuluk, iha segundu etapa maibé sira dehan fali iha kriteira idade 25 mai kraik naruk 165 ba leten, maibé nafatin la pasa,” dehan Inodio
Iha sorin seluk veteranu Florentino Soares alias Lean Mauloi, lamenta no insatifas ho lala’ok servisu komisaun rekrutamentu F-FDTL nian, tanba nia oan mane nia naran taka sai ona iha postu administrativu Atsabe, munisípiu Ermera maibé, iha nasionál naran laiha
Ha’u nia oan naran taka sai ona iha Atsabe, más mai iha ne’e laiha, ha’u nia oan ne’e mak atu kontinua aman ha’u nia kontribuisaun iha tempu okupasaun Indonézia too hetan Timor ukun rasik an, temi forsa espesial patriotas ne’e espesial ba veteranus nia oan, aman ha’u fo ona vida liberta ona nasaun ida ne’e sai indepedénsia ii too fali ikus aman ha’u laiha kapasidade entaun ami fila too ikus mai maun boot sira dehan tenke rekrutamentu hatama mos veteranus Falintil nia oan, ida ne’e mak ami lori mai halo treinamentu ne’e hotu taka sai naran iha Atsabe ne’e iha, ema seluk mak iha ha’u nia oan naran laiha nafatin, se ha’u nia aman mak ema la’os revolusionáriu ruma sei la lori ha’u nia oan mai iha ne’e se hau mos ema veteranus ida rezisténsia ida maun boot sira temi ami nia naran entaun ami lori ami oan mai,”Lean Mauloi tenik.
Nune’e mós Veteranu Mateus Maisjero alias ‘Lases’ hateten rekrutamentu membru F-FDTL liu husi rejime espesiál ne’e tenke tuir kriteira teste nian labele taka sai naran la tuir provas ne’ebé mak iha.
Ha’u ninia ezisensia mak sira hamutuk 1800 ne’e hotu selesaun ruma mak monu iha saúde ka monu iha kriteria teste nian ami inan aman simu realidade, tanba la tuir teste ruma, maibé tanba sá naran ne’e la sai hanesan ha’u nia oan idade 23 altura 165 nusa nia la too ami hakarak simu realidade liu husi seleaaun balun ba neeba iha teste ruma iha provas ruma maka la liu nia moras mak ida ne’e, nia labele liu maibé la tuir teste nia naruk no nia idade tama kriteira, tanba sá nia la liu, tan ida nee mak ami hakarak hasoru orgaun soberanu sira atu haree buat ne’e, diak liu ema ne’ebé prenxe nee labele limita tiha fali ami, duke aman luta para too ikus mai sai aileba ami nia ona mos sai aileba karik ema ida ne’ebé buka ami iha ai-laran ikus mai nia oan sai fali F-FDTL, uluk nia aman tentara buka ami ikus mai sai fali FDTL, lojika ne’e iha ne’ebé? para ami sira nee sai vítima di’ak liu ami bele mai hamriik iha ne’e tiru mate ami,” Lases kestiona.
Jornalista : Arnaldo Nunes
Editor : Agapito de Deus
