LafaekNews-Relasiona ho siclone seroja, ne’ebé akontese hodi hamosu dezastre natural rai halai iha loron 04-04-2021,rezulta uma ida hetan estragus totál, iha suku Dare postu administrativu Vera Kruz munisípiu Dili, maibé to’o oras ne’e seidauk hetan tulun ruma husi parte governu
Tuir Vitima Bendita dehan, akontesimentu dezastre ne’e akontese tiha parte guverno seidauk ba hare no ajuda vitima Sira ne’e afetadu dezastre naturais maske komunidade balun lakon nia hela fatin iha suku Dare postu administrativu Vera Kruz munisípiu Dili.
“Hafoin akontesimentu ne’e parte governu nia seidauk mai haree tanba ha’u nia kolega sira mak ajuda foos saku Ida, Mina Bimoli Litru 5, mie sedaap ida nomos oan feto nia kolega no dosente husi UNTL ajuda ekipamentus hanesan, biti, lensol, kulsaun,”Bendita de Araujo da Crus, afirma ba jornalista iha suku Dare aldeia Coalau 2, Tersa (27/04/2021).
Vitima Bendita, Hatutan, husi akontesimentu ne’e vitima kontaktu kedas ba autoridade komunitária hodi tun direita ba hare rai halai ne’ebé hanehan Uma ne’ebé vitima Bendita ho Nia oan no bei oan Sira hela ba.
“durante ne’e ami kontaktu ba autoridade lokál suku maibé sira dehan mana labele book no labele halo uma lai tanba Ami sei ba hare maibé too agora parte governu no ema Ida mos seidauk Mai haree uma ne’ebé hetan ona estragus maibé ami nafatin hein sira nia prezensa,” vitima ne’e esplika
Enkuantu sasan sira iha uma laran mak la salva mak hanesan dokumentus husi inan no oan eskola iha UNTL nian mós sai estragus no ropa armariu kama ho sasan sira kiik oan sira seluk la aproveita maibé sira foti salva de’it mak foos saku tolu ho despenser no jeleira.
Hatan ba preukupasaun ne’e, autoridade komunitaria Coalau II, Jack Amaral, hateten, iha dia 4 ne’ebé maka akontese no afeita ba uma kain neen (6) iha aldeia Coalau 2 ninian no balun sei di’ak hodi komunidade sei hela maibé grave liu maka vitima Bendita Nia Uma.
Entretantu jornalista Lafaek news konfirma, dadus ne’ebé Xefe aldeia Coalau II rekolla maibé dadus sira ne’e la konsege fo sai tanba xefe aldeia despasu tiha ba xefe suku hodi submete ba parte governu hodi prosesa.
Enkauntu durante akontesimentu inundasaun ne’ebé akontese iha Dili laran no munisípiu sira, governu liuhusi Sekretáriu estadu Protesaun sivíl, kuaze hetan apoiu umanitaria husi nasaun seluk hanesan UE, UNDP, no seluk tan maibé kuaze vitima inundasaun barak seidauk hetan.
Jornalista : Aniceto Dias/Orlando Magno
Asisten Editór : Egidio Nono
