Lafaek News—Centro Nasional Chega (CNC) lansa akordu liu husi asina Nota Entendementu ho Sekretariu Estadu Formasaun Profisional Emprego, atu fo apoiu ba sobreviventes husi funu nian atu tau matan oan sira ne’ebé durante ne’e seidauk hetan tulun.
“Iha ne’eba hateten katak estadu liu husi governu fo apoiu ba sobreviventes sira husi funu nian, karik sobreviventes Sira ne’e mate ona sira nia oan sira ne’ebe maka durante ne’e seidauk hetan apoiu, entaun sira mos bele hetan apoiu husi Estadu no entidades governu nain sira,”Diretor ezekutivu Centru Nasional chega.IP relata ba jornalista iha balide Antigo komarka Dili, Segunda, (05/12/2022)
Bazeia ba rekomendasaun CNC nia komitmentu hato’o proposta ba SEFOPE sei iha periodu nia mandatu, hodi selebra akordu ida no hamutuk atu implementa programa balun,” fehan Diretor ezekutivu CNC ne’e. https://www.lafaeknews.tl/cnc-fasilita-formasaun-negosiu-inovativu-ba-sobrevivente/
“Basea ba rekomendasaun ne’e maka Centru chega ho haraik an, fo proposta nain sekretariu Estadu sei iha periodu nia mandatu ami bele selebra akordu para i depois hamutuk ho SEFOPE ho CNC atu bele implementa programa balun,” katak Hugo Fernandes.
Programa ne’ebe mak atu hala’o formasaun iha area oi-oin no sentru formasaun ne’ebe SEFOPE iha hodi ajuda sobreviventes sira nia oan no vítima husi funu nian no nia oan sira hodi hetan formasaun tékniku husi area oi-oin hodi compete iha merkadu indústria.
“Programa ne’ebe mak durante ne’e ami hare no ami fiar katak hetan apoiu husi sefope, mak primeiru konabá formasaun iha area oi-oin ho centru formasaun ne’ebé sefope iha sei tulun tebes sobreviventes sira vitima sira husi funu nian no mos sira nia oan sira atu bele hetan formasaun tekniku iha area oi-oin de’it”
Entretantu Governante, Sekretariu Estadu Formasaun Profisional Emprego (SEFOPEl); Dr. Alarico do Rasario, lamenta hodi halo Konfirmasaun sefope ho centru chega, hodi Servisu hamutuk ho Chega tanba chega parte Ida husi governu no Sefope parte Ida husi governu, ne’ebe iha buat balun ligasaun ho formasaun no auto emprego hodi promove Timor oan sira hanesan badaen aprende hodi promove sira ba futuru, dehan sekretariu esatdu Sefope
“Ami hare katak servisu hamutuk ho chega ho sefope la Sala ne’e buat los mak Ida ne’e tanba Ita hotu-hotu hatene katak chega parte Ida husi governu Sefope parte Ida husi governu, maibé iha buat balun iha ne’eba koalia iha ligasaun konabá formasaun iha formasaun no mos auto emprego no mos ita koalia konaba Ita atu promove Ita ema Sira ne’ebé mak hanesan iha centru formasaun sira ne’ebé mak hetan hanesan badaen ou sira aprendis badaen ita bele promove ita nia ema ba futuru”
Sekretariu Estadu Formasaun Profissional Emprego, ninia papel ida importante atu haree liu ba area formasaun no area trabalhu, hodi prepara Timor oan sira ba servisu iha rai laran no rai liur.
“Ita hotu-hotu hatene katak sekretariu Estadu Formasaun Profisional Emprego (SEFOPE), nia papel ida importante liu mak atu hare liu-liu ba area formasaun no mos area trabalhu no mos konaba saida mak atu prepara ita nia ema Sira ne’e hodi ba servisu iha rai laran no mos iha rai liur, tanba ne’e mak la iha dalan seluk tempu ida agora tempu ida para ita atu aprende,” katak SEFOPE Alarico do Rosario.
Jornalista : Aniceto Dias
Editor : Agapito de Deus
