Lafaek News–Centru Nasional Chega (CNC) Tersa 05/07/22, realiza formasaun kona-ba negosiu inovativu ba sobrevivensia sira oinsá bele iha konesimentu sobre vida negosiu.
Formasaun ne’ebé CNC koopera ho organizasaun Sigel Empreza Diak ne’e iha nia objetivu atu fo kapasitaaun ba sobrevivente ne’ebé sai vítima ba luta ukun rasik-an, ne’ebé ita da-dun ne’e identifiika ona iha grupu 3 hanesan Atauru Kovalima no Vikeke ba tinan 2022 ne’e ita hahú fasilita formasaun ba sira iha loron 2 nia laran, remata husi formasaun ne’e sira iha kompeténsia atu forma grupu ida hodi halo negosiu ki’ik tuir sira nia kbiit ne’ebé sei implementa iha ida-idak nia suku,’’Diretor Solidariedae Sobrivibente (CNC) Nelson Seixas Miranda ba jornalista sira iha Iha Salaun Seminaríu Menor Ailook-Laran.https://www.lafaeknews.tl/cnc-apoiu-sobrevivente-husi-munisipiu-4-hadia-moris-ho-500/
Nelson fundamenta, formasaunn ne’e rasik hetan rekomendasaun husi CAVR oinsá bele tulun ekonomia ba sobrevivente ne’ebé sai vítima ba prosesu ukun rasik-an, estadu iha hanoin oinsa fo preparasaun setor ekonomia ba sira, tanba prosesu ukun rasik an Timor oan sira hasoru sofrementu simu torturusaun no intimidasaun oi-oin ne’ebé aplika husi oukupante ilegal sira,
Ita haree ba situasaun hirak ne’e estadu tenke iha hanoinn atu apoiu sira iha negosiu liu husi CNC, tau hanoin bele fasilita formasuan oinsa atu halo negosiu ne’e sira,’’ dehan nia
Entretantu programa refere realiza ona iha tinan rua liu ba kria grupu 4 hanesan iha Likisá, Aileu, Ermera no Manatutu, no ba tinan 2022 CNC apoiu de’it grupu 3 hanesan Atauru, Vikeke no Kovalima, tanba kestaun finansas ba tinan ida ne’e aloka orsamentu ba kada grupu ida ho montante $5.000 USD hodi halo atividade negosiu.
Iha parte seluk diretora interinu Empreza Diak, Joana Gusmão sublina, formasaun ne’ebé CNC koopera hamutuk ho estadu hodi transforma konesimentu ba sobrevivente sira oinsa halo negosiu ne’e sei fasilita ba munisipiu 4.
Ami sei fo ba sobrevivente sira ne’e mai husi munisipiu tolu Atauro, Kovalima Vikeke formasaun ne’ebé ami sei foka liu ba parte negosiu nia razaun ami foka ba negosiu, tanba CNC halo kooperasaun hamutuk ho governu hanesan rekonesimentu husi governu ba sobreviventes sira ne’ebé vítima ba sofrementu funu, promosaun ba sira nia negósiu oinsá atu halo manajementu ba negosiu ne’ebé sira halo depois de sira hetan formasaun sira ne’e,’’ katak Joana husi Empreza Di’ak ne’e.
Estajiadu : Julião Pacheco
Editor : Agapito de Deus
