Lafaek News— Grupu Klibur Estudante Juventude Suku Sagadate (KEJUS) organiza komunidade Sagadate kee debu no halo travasaun kadalak iha foho lolon hodi halibur udan been konsege hamoris hikas be-matan 3 iha suku Sagadate.
Inasio Ximenes Gusmão nu’udar tékniku konservasaun katak liu husi formasaun ne’ebé sira hetan husi NGO Permatil liu husi KEJUS mobiliza komunidade Voluntáriu no juventude sira iha suku Sagadate hodi realiza kee debu no trava kadalak hodi hamoris bee matan ne’ebé maran no menus iha tinan naruk.
“Bee matan iha momentu liu ba kotuk ninia lala’ok ne’e nia bokon de’it nia la sulin hanesan agora dadauk ne’e uluk iha ne’e ninia ai horis kabura fuik sira mak nakonu iha ne’e, maibé iha 2021 ami komesa kria debu hodi halo travasaun kadalak iha mota oan sira ne’e no ami mos kria debu iha be ukun ne’ebá no fim udan been mai nia konsentra hotu iha debu nia laran depois influtra ba rai okos hodi haforsa fila fali bee matan sira ne’ebé mak maran no menus”Inasio Ximenes Gusmão ba jornalista sira iha suku Sagadate hafoin realiza media Tour iha suku refere iha tinan ne’e.
Tékniku ne’e reafirma, iha tinan 2023 NGO Permatil mós tau fiar ba KEJUS hodi realiza atividade Perma Youth Camp no halo akampamentu iha nivel munisípiu Baucau Postu Laga suku Sagadate aldeia One-Buu no Selagua hodi kontinua kee-debu no halo adaptasaun udan been no halo travasaun Kadalak atu haforsa nafatin ba bee matan sira ne’ebé menus,
“Travasaun kadalak ne’e Bainhira udan been tun husi foho lolon mai hodi redus udan been ne’e hodi labele fo risku ba be-matan sira no udan been ne’e sei implitra ba rai okos hodi haforsa nafatin be matan sira no bainhira ita atu halo travasaun kadalak ita mós tenki hare ba bee matan no estrutura rai nian bainhira be matan ne’ebé mak iha los kadalak laran entaun travasaun kadalak ne tenki ho distansia 2 metros kontinua tutan kadalak hodi satan udan ne’ebé mak tun ho Volume ne’ebé mak boot akumula hotu iha kadalak laran “
Iha sorin seluk kordenador klibur Estudante Joventude suku sagadate (KEJUS) Celestino Gusmão perreira haktuir tan katak Bee matan ida ho naran Bordaun iha tempu okupasaun indonesia bee ne sai forte no bot maibe situasaun ohin loron ligadu ho mudansa klimatika halo situasaun klima muda an no rai manas hodi afetadu ba be matan ne’e maran maibé iha tinan 2021 komunidade sira kria debu no halo ona satan kaladak hodi hamoris fali bee matan ho naran Bordaun
“Mudansa klimataika halo rai ne’e manas halo bee ne’e maran no situasaun klima iha ne’e muda an makas bee matan ida ne mós parte husi afetadu ba mudansa klimatika uluk liu iha tempu Indonézia nia tempu Bailoron naruk mós komunidade sira uza be ne hodi halo natar no toos maibé iha tinan 2020/2022 bee ida ne’e maran mais iha tinan rua ba kotuk ami halo ona prevensaun Ke Debu no halo travasaun to ohin loron be ne iha ona mudansa hodi fornese ba komunidade sira hodi halo to’os natar no atividade horti kultura sira inklui mós animal sira”
Benefisiu Grupu KEJUS ho komunidade sira halo konservasaun ba bee matan sira hodi fornese ba komunidade sira hodi uza ba nesesidade uma laran nian hanesan uza ba tein fase ropa no hari, durante halo konservasaun kona-ba be’e matan sira iha suku Sagadate ne’ebe mak organiza husi NGO Permatil no Grupu klibur Estudante Joventude suku sagadate (KEJUS) ho komunidade maibé seidauk hetan apoio husi Guverno
Entretantu suku Sagadate kompostu husi aldeia 11 ho populasaun hamutuk 3,414 kompostu husi Mane 1,745 No feto hamutuk 1,600 ho uma kain 705
Jornalista : Felix Fernandes
Editor : Agapito de Deus
