Lafaek News—Komunidade aldeia One-Buu suku Sagadate kompostu husi uma kain 75 ho inisiativa dada rasik eletrisidade no kada uma kain kontribui osan $300 ikus mai EDTL lori prepagu ba monta la tuir klientes sira nia hakarak.
Xefe Aldeia Selegoa suku Sagadate afirma, karta pedidu ne’ebé hatoo ba governu maibé laiha resposta, nune’e xefe aldeia ho inisitiva rasik mobiliza komunidade halo kontribuisaun kada uma kain ida kontribui osan $ 300 sosa fiu hodi dada rasik eletrisidade ba uma kain ida-idak.
“Ami hato ona karta pedidu ba Guverno dala 5 maibé sira ami hein fulan 6 ou 7 maibé sira la responde tanba ne’e Ami kordena ho inan aman sira no komunidade sira iha aldeia Onebu ne’e halo kontribuisaun kada uma kain ida kontribui $300 hodi sosa rasik fiu hodi dada eletrisidade mai iha komunidade iha Aldeia ne’e maibé ami la satispas tanba fiu ne’be mak dada ahi mai komunidade sira mak hola maibé liu de’it fulan 6 sira mai monta Prepagu “
Autoridade lokál ne’e husu ba parte relevante sira tenki monta ona fiu boot husi estrada protukolu too iha sira nia aldeia hafoin bele instala prepagu
“Lolos ne’e ami komunidade mak dada rasik ahi ami laos lakohi imi monta Prepagu ha’u husu imi tenki kria kondisaun di’ak ba ami primeiru fiu eletrisidade tenki boot segundu tenki tidin rin-eletrisidade a tenki lori mai lá’os selu ami, maibé ami komunidade mak organiza malu hodi ba hit lori mai más too agora mai nia pedidu ba to postu to iha Munisípiu ha’u nia pedidu ne’e to agora laiha resposta,” nia akresenta.
Ligadu ho problema ne’e xefe suku Sagadate, Aureliano Ximenes de Jesus mós hatoo ona preukupasaun hirak ne’e ba iha parte relevante maibé too ohin loron laiha resposta ruma hosi governu.
“Kona-ba ahi eletrisidade ne’e mós ami nia preokupasaun duni foin dadauk ami enkontru iha Laga ami hato’o ona ba administradór tanba ida ne’e mós komunidade sira nia inisiativa maibé tanba saida guvernu mai tau de’it prepagu komunidade sira selu de’it,” nia lemanta.
Entretantu suku Sagadate kompostu husi Aldeia 11 no aldeia 9 mak assesu ona eletrisidade no aldeia 2 hanesan aldeia Selegua ho aldeia One-Buu mak seidauk asesu lina eletrisidade.
Jornalista : Felix Fernandes
Editor : Agapito de Deus
