Manatutu (Lafaek News)—Reprezentante Juventude postu administratiivu Laklo, munisípiu Manatutu Yohanes Càrceres, hateten nu’uda jerasaun foun presizu iha hanoin ida ne’ebè inivativu oinsà atu kria rasik kondisaun liga ho movimentu konservasaun ne’ebé organiza husi ONG PERMATIL.
Imajen ne’e hatudu juventude husi postu administrativu Laklo kee hela debu hodi akumula udan been. Foto LN JFS.
“Ida ne’e, ami haruka ami nia ekipa ema nain hitu, ba iha Dare aprende hamutuk ho kolega sira PERMATIL ninian, iha ne’eba sira mai iha ne’e ho buat mak foun katak kria bee matan liu husi konservasaun udan been atu fornese ba bee matan iha futuru ami nia jerasaun tuir mai bele utiliza,” katak Yohanesn Cárceres ba lafaek news hafoin partisipa kee debu iha Laklo, sábadu (28/11/2020).
Yoanes relata, prosesu konservasaun udan been ba dedu ne’e hahú tiha ona iha Laklo nian iha parte Tirloko no bala dala rua nian iha Kondar no ba ida ne’e dala tolu.
“Iha prosesu ne’e ita hahù ona iha Laclo ninian iha parte Tirloko sususu ona, ba dala rua nian iha Kondar, ba ida ne’e dala tolu, iha grupu konservasaun ida ne’e akumula ema hotu komunidade Inan-aman joventude, oinsa ho hanoin inovativu oinsa atu konserva bee ne’e ba Futuru,” Informa Càrceres.
Nia dehan, ema hotu hatene katak bee sai nu’udar fatór determinante ba ema ho aihori no animal hotu nia moris.
“Ita hotu hatene katak bee ne’e sai hanesan fator determinante ba ita nia moris no ba animal sira, tanba ne’e mak objetivu husi kria Debu ida ne’e oinsa atu prepara bee ba future,” Yohanes argumenta.
Entretantu atividade kee Debu ne’e hahù husi sabadu ohin (28/11/2020) no sei remata iha loron domingu aban no partisipasaun másimu husi komunidade, autoridade local xefe postu administrativu Laklo no koordena husi autoridade munisípiu Manatutu.
Jornalista : João da Costa Soares
Editora : Nelya Barros
