Lafaek News—Ekonomista Timoroan atúal dekanu fakuldade ekonomia Universidade Dili (UNDIL), Alfredo dos Santos, relata programa cesta bázika domina ho produtu importadu hatudu komesa la’o sees ona hosi kontekstu orijen hosi programa ne’e katak sosa hosi povu distribui fali ba povu.
Dekanu Fakuldade Ekonomia UNDIL Alfredo dos Santo. Foto LN : Ezequias Tomas.
“Cesta bázika ho ninia programa ne’ebé sosa produtu hosi povu, ne’e ita fiar katak sei fó vantazen. Más ba ha’u sé enquantu cesta bázika ne’e hola fali produtu rai seluk (Importasaun) uza fali ba programa refere ne’e tama liu ona ba polítika,” alfredo informa ba LafaekNews iha kampus UNDIL, sesta (27/11).
Hatutan nia, ne’e hanesan governu obriga hatudu aan katak bele realiza programa refere no iha kapasidade ba ezekusaun orsamentu, más realidade hatudu problema ninia hun (rekuperasaun ekonomia) labele rezolve tanba maioria osan sei sai hotu ba rai liur.
Dehan nia, tuir loos governu antes ne’e halo preparasaun ka observasaun iha terenu liga-ba produtu lokál ne’ebé atu fahe fali ba povu, nune’e bele evita produtu rai seluk labele domina liu fali iha implementasaun programa refere.
Jornalista : Ezequias Tomas
Editora : Nelya Barros
