Likisá-(Lafaek News)—Akontesimentu uda boot iha munisípiu Likisá konsege sobu tenda serimónia ba loron proklamasaun independénsia ba dala-45 iha munisípiu Likisá hafoin selebrasaun loron istóriku remata.
imajen ne’e hatudu udan akompania ho anin sobu tenda hela airin mak hamrik hela iha fatin komemorasaun loron istoriku ne’e. foto kontributor Javelino da Silva.
Akontesimentu ne’e udan akompañia ho anin boot iha tuku 4 lokraik konsege sobu tenda hafoin prepara atu hatun bandeira nasionál iha parte lokraik.
Entrtantu Udan ho anin boot ne’e ho presaun maka’as ho durasaun oras ida nia laran hodi rezulta tenda ne’ebé hamahan konvidadus sira nia tuur fatin nakosbu tatulak iha rai leten.
Enkuantu Jornalista lafaek news informa ba redasaun lafaek news via telefone katak akontesimentu ne’e estraga tenda kuaze besik sanulu resin no konsege hakanek populasaun balun ne’ebé iha hela tenda laran no agora lori ona ospital munisípiu Likisá hodi halo tratamentu.
Imajen ne’e hatudu serimonia hatun bandeira RDTL iha parte lokraik. Foto kontributor Javelino da Costa.
“Husi udan no anin hamosu rai rahun suar no udan ho volume as halo partisipante sira halai namkari hafoin prepara atu hatun bandeira nasional, tanba udan paran ona mak foin hatun bandeira iha oras tuku 5 lokraik,” katak jornalista lafaek news, Abrão da Costa husi munisípiu Likisá, sábadu (28/11/2020).
Entretantu, iha ambitu komemorasaun loron proklamasaun indepedensia ba dala 45 ne’e, iha observasaun jornalista lafaek news iha parte dadeer too meiudia haree ho matan iha ikan lumba-lumba barak halo hela movimentasaun iha tasibun ne’ebe besik iha fatin serominia loron istoriku ne’e.
Jornalista : Abrão da Costa
Editora : Nelya Barros
