Lafaek News—Prezidente Repúblika José Ramos-Horta simu karta kredensiál husi Embaixadór Índia akreditadu mai Timor-Leste, no akompaña husi Ministru Negósiu Estranjeiru no Ko’operasaun, Bendito dos Santos Freitas.
Iha komunikadu impresnsa, Ministru Negósiu Estranjeiru no Ko’operasaun, Bendito dos Santos Freitas hateten, enkontru ho Prezidente Repúblika espresa teb-tebes artikulasaun importánsia ko’operasaun bilaterál, relasaun bilaterais entre Timor-Leste ho Índia no mós asuntu ne’ebé ke prioridade teb-tebes maka Índia nia intensaun no deseija atu opera ka funsiona ona Embaixada Índia iha Timor-Leste
“Ao mesto tempu em resiprosidade e por a causa das razoens imperativas polítikas, Timor-Leste mós iha planu atu hari’i ona ita-nia Embaixada Timor-Leste iha Índia, nune’e atu bele artikula no mós kanaliza ita-nia ko’operasaun ne’e ba nível mais apropriadu, mais elevadu,” dehan Bendito Freitas, iha Palásiu Prezidensiál Bairo-Pite Díli, (20/12/2023).
Bendito Freitas afirma, ema hotu hatene, Índia paíz ida superpotente teb-tebes, intermus ekonómiku, nu’udar mós paíz ho populasaun barak np sira nia dezenvolvimentu iha área oi-oin, liu-liu kona-bá siénsia teknolojia, agrikultura no medisina, informasaun.
Embaixadór foin dadaun dehan, konvida ita-nia Prezidente atu halo viajen ka vizita ofisiál ba Índia, atu nune’e bele asegura liu tan ita-nia relasaun, no Embaixadór Índia ne’ebé ke rezidénsia iha Jakarta akreditadu mai Timor-Leste mós dehan dadauk apoiu ki’ik-koan ruma ne’ebé ke futuramente sira bele ajuda mai Timor-Leste, liu-liu hanesan enérjia renovavel, no mós apoiu ki’ik-koan ruma ba formasaun Diplomata sira, apoiu ki’ik-koan ba estudante
“Sira mós sei apoiu kona-ba kontrola kostéira marítima ne’ebé ke posivel sira sei fó apoiu ida ne’e, bainhira ita-nia Prezidente futuramente hala’o vizita ba Índia, Ita-nia Governu tenke buka fatin para Índia hari’i sira nia embaixada, nune’e mós ita sei ba hari’i ita-nia Embaixada iha Índia ne’ebá, ne’e importante teb-tebes para atu hahú ona iha 2024,” hateten iha komunikadu ne’e.
