Lafaek News—Autoridade Protesaun Sivil (APC Sigla Portugés), distribui ona apoiu uma kain 1148 ne’ebé sofre dezastre naturais iha territoriu nasional perante udan tau maka’as iha fulan janeiru too Jullu hetan ona apoiu emerjensia.
“ Total dadus husi Fulan Janeiro to Fulan jullu ikus ne’e total Iha 2055 nebe mak familia afetadu, maibé husi 2055 ne’e Ita konsidera 1148 husi total Ida ne’e Ita fo ona apoiu ona 85 xefi de familia ne’ebé hetan apoiu de Rekuperasaun ho tipu at total,” informa Autoridade Protesaun Sivil, Anacleto Caetano ba jornalista iha iha APC Kaikoli segunda ne’e.
Entretantu akontesimentu destrea naturais ne’e akontese iha teritoriu Timor laran tomak hahu husi Fulan Janeiro ohin loron, parte Autoridade Protesaun Sivil rejistu hamutuk Uma kain 2055, ho tipu hanesan rai-halai bee sa’e anin bot inklui mos ahi han uma.
Uma kain Hirak ne’e husi parte Autoridade Protesaun Sivil halo ona intervensaun no fo ona apoiu emerjénsia, maibé husi uma kain 1148 fo ona apoiu rekuperasaun ho tipu at total, hela uma 1063 seidauk fo apoiu, entretantu uma kain sira ne’ebé hetan estragus husi desastre naturais ho tipu oin 3 hanesan at kaman, at natoon no at total. dezastre naturais durante ne’e halakon mos ema hamutuk 25 nia vida.
Jornalista : Felix fernandes
Editor : Agapito de Deus
