ADVERTORIÁL · 24 Apr 2021 06:06 ·

Uma Kain 82 Asesu Ona Bee Moos Husi Debu Dare


Uma Kain 82 Asesu Ona Bee Moos Husi Debu Dare Perbesar

Lafaek News—Uma kain hamutuk 82 kompostu husi aldeia rua (2) Kulau I ho Kulau II, suku Dare postu administrativu Vera-Kruz, munisípiu, haksolok hodi asesu bee mos husi debu hamutuk 52 iha Dare ne’ebé estabelese husi ONG PERMATIL liu husi programa kee debu.

 “Komunidade sira hamutuk ho ONG Permatil hahú kria bee debu iha  2019 hamutuk 52, debu sira ne’e fornese ona bee ba bee matan 4, ne’ebe uluk maran, maibe agora bee komesa iha ona,” informa Gil de Araújo  ba Lafaek News iha Sede suku Dare Dili,  sábadu semana ne’e.

Lideransa komunitariu ne’e katak, bainhira ko’alia kona-ba bee nu’udar nesesidade ida ne’ebé importánsia iha ema nia moris, hanesan uza hodi tein, haris, fase roupa, hemu no halo konstrusaun, laiha bee laiha moris (no water no life) inklui ai horis hotu tenke moris iha bee leten.

“Bainhira koalia kona-ba bee ida ne’e nesesidade moris nian entaun bee ida ne’e komunidade sira uza ba tein hahan, hemu, fase ropa, rega aifunan no mos bee ne’e uza rega modo ne’ebé komunidade sira kuda tiha ona,” katak autoridade suku ne’e.

Nia realsa, antes halo konservasaun bee debu suku Dare, bainhira iha tempu udan bee suli hotu ba tasi, entaun halo bee matan iha ne’e mos maran hotu, maibe kompara ho agora halo tiha konservasaun liu husi kee debu ikus mai hatudu duni realidade iha bee matan boot antigu sira suli fila-fali hanesan uluk.

Iha fatin hanesan,  benefisiárius aldeia Nahaek suku Dare, Eufrazia Fátima da Costa, haktuir tan debu ne’ebé PERMATIL kria iha suku Dare nia sente benefísiu husi rezultadu kee debu ne’ebé ONG ne’e inísia, bee matan antigu sira ne’ebé maran kleur ona moris fali ona.

“Ha’u sente kontente tebes ho programa Permatil nian tanba, uluk ami halerik bee, maibé agora lae ona, agradese ba PERMATIL nia esforsu ida ne’e,” haktuir benefisiaria ne’e.

Entretantu ONG PERMATIL nafatin kolabora ho sosiedade sira atu halo debu ne’ebe sira konserva ona, tanba ne’e karik komunidade suku Dare nafatin fo oportunidade ba ONG Permatil halo lansamentu kuda ai oan.

 

 

Jornalista                   : Orlando Magno

Editór                        : Agapito de Deus

1,264 Views
Artikel ini telah dibaca 75 kali

badge-check

Editor

Baca Lainnya

 PERMATIL Halo Espansaun Konserva Rekursu Bee Ho Mákina Eskavatór Iha RAEOA

10 February 2024 - 13:35

Professores Kontradus Kontinua Ezije Governu Buka Solusaun    

18 January 2024 - 17:26

Programa PERMATIL Dada ADB Ho Embaixador Nova-Zelandia Vizita Fatin Restaurasaun Bee Fatsuka

10 January 2024 - 18:17

Horta Ho Xanana Avalia Situasaun Seguransa Rai-Laran Hakmatek “Parabens Povu TL”

5 January 2024 - 09:46

PR sei buka doadór internasionál fó apoiu ba PERMATIL

30 November 2023 - 16:20

Publisidade Loron Nasional Liberdade Imprensa

15 October 2023 - 18:20

Trending di ADVERTORIÁL