Lafaek News (Bobonaro)–Kandidatu Prezidente Repúblika periodu 2022-2027 Tenente Jeneral (Reformadu), Lere Anan Timur hateten Prezidente Partidu FRETILIN Francisco Guterres Lú Olo la’os membru Comite Central FRETILIN.
lia hirak ne’e hato’o husi kandidatu prezidente repúblika númeru sorteu 8, Jeneral Lere Anan Timur liu husi ninia intervensaun polítika iha Maliana munisípiu Bobonaru, Kuarta 09/03/2022.
Ita nia maun Lú Olo ohin loron rekanidata aan ba Prezidente Republika maibé nia la’os membru komite sentral, se ha’u la militar karik, ohin loron ha’u sai prezidente partidu FRETELIN maibe ohin loron hamrik iha ne’e, hau la’os ona militar tanba ha’u fitun tolu jeneral reformadu maibe hau jeneral nafatin,” dehan Jeneral Lere.
Jeneral Lere esplika, ema hotu rona bainhira Lere sei hatais farda militar maibé nia sempre deklara ninia aan katak, Lere FRETILIN, ida nee kontra konstituisaun estatatutu militar maibe barani dehan nia FRETELIN. https://lafaeknews.tl/jlat-rekomenda-mari-labele-temi-lere-iha-kampania/
Ha’u hein ema ruma atu foti ba lia, ema ruma atu kritika maibé ema hotu nonok, entaun ohin loron ha’u sai politiku no sai lider hanesan sira seluk tanba nee hau kanidata aan ba Prezidente Republika periodu 2022-2027,” Nia relata.
Nia afirma, Lere nunka hanoin atu kandidatu independente maibé nia hakarak sai kanidatu ba Partidu Fretelin Lere mós fakar ran no familia mate mohu ba FRETELIN soldadu sira mate rihun ba rihun ba FRETELIN.
kuandu ha’u kandidata aan ba FRETELIN nian, Mari mak taka dalan ba hau bainhira nia rekanidata hau nia irmaun Lú Olo nia dehan ha’u ses maibé ha’u lori veteranus nia naran ha’u kandiata aan ba Prezidente Repúblika, maibé ha’u Fretelin nafatin,” Lere deklara.
Iha komísipiu polítika kandidatu númeru sorteiru 8, mosu fenómena udan ho anin, Lere dehan udan nunka hamate ema, maibé udan ne’e planu maromak nian hodi kari matak malirin ba nia emar sira.
Udan seidauk hamate ema maibe udan fo bensaun matak malirin mai ita nee mak imi hamrik metin se udan oho ema karik ami sira ne’e la ona tanba tinan 24 iha deit udan ho loro manas,” dehan Jeneral Lere Anan Timur liu husi ninia intervensaun iha kampaña ne’ebé realiza iha Maliana Bobonaru, Kuarta 09/03/2022.
Lere Anan Timur, husu matebian sira lalika tanis ona bainhira nia sai prezidente repúblika lider sira sei hakuak malu no hadomi malu.
Udan estraga ita nia festa, maibé parte seluk halo diak tanba udan mai Maliana nia oan bele halai natar maibe udan la oho eme so mota mak lori ema mak bele mate,” nia afirma.
Jornalista :Orlando Magno
Editor : Agapito de Deus
