Lafaek News—Udan been kontinua hoban fatin sistema intalasaun eletrisidade iha rotunda Jardim Prezidente Repúblika daruak iha 1975, saudozu Nicolau Lobato nian, udan be’en ne’e relasiona ho udan boot iha loron 04 Abril 2021 too ohin governu seidauk xupa sai bee nalihun iha fatin kontrolu sistema fornese bee ba jardim rotunda laran nian .
Kordenadór Jardim rotunda Prezidente Nicolau Lobato, Julio Paixão, hatete, durante ne’e nia parte relevante observa ona hodi infoma ona ba Municipio Dili atu hadia maibé sedauk supa sai to’o agora .
“Ha’u informa ona ba governu iha unindasaun ne’e kedan iha dia 4 dezastre liu ba ne’e maibé husi parte governu mai haree ona maibé too agora seidauk xupa sai bee ne’e, agora jardin ne’e jardin nasionál maibé husik hanesan ne’e ha’u sente fuan moras,” dehan kordenadór rotunda Nicolau Lobato Julio Paixão ba lafaek news iha rotunda Nicolau Lobato Komoro, segunda (26 Abril 2021).
nia informa, kontrolu sistema eletrisidade ne’e atu fornese bee ba rotunda presiza iha koneksaun fiu husi eletrsidade maibé agora iha fatin ba koneksaun fiu nian mos agora komesa suar sai ona besik atu aat ona
“hau tauk buat ruma hau atu halo oinsá, buat ruma ha’u haree de’it tanba eleridade nia fiu kone’eme suar sai ona ema la mai hadia no supa udan been nalihun ne’e,” Julio Lamenta
Responavél ne’e dehan, bee ne’ebé agora iha jardim laran ne’e udan-been husi dezastre la’os bee ne’ebé mak fornese atu hafurak rotunda ne’e, maibé semana rua ona governu seidauk xupa sai, maske responsavél halo seguransa ba rotunda refere hatoo ona informasaun ba munisípiu Dili, maibé governu sedauk resposde hodi normaliza estragus iha fatin refere .
Rotunda Komoro hari ho estatua saudozu Prezidente Repúblika Nicolau Lobato, ne’ebé sai ona Rotunda Nasionál no sai simbolu Bem vindo ba Vizitanta sira husi estranjeirus mai vizita Timor Leste .
Jornalista : Acacio Pinto
asisten editór : Egidio Nono
