SAÚDE · 27 Apr 2021 05:53 ·

MS Rejeita Informasaun Kona-ba  Test PCR Iha TL Inkualidade


MS Rejeita Informasaun Kona-ba  Test PCR Iha TL Inkualidade Perbesar

Lafaek News—Relasiona ho Timor oan na’in-35 ne’ebé halo viajen husi Dili ba Inglaterra, bainhira halo tránzita iha Kuala Lumpur  Malázia,  parte imigrasaun identifika dokumentu pasajeiru la prienxe rekezitu, liu-liu rezultadu  teste Polymerase Chain Reaction (PCR) laiha kualidade, maibé governu liu husi  Ministériu Saúde rejeita no konsidera informasaun  ne’e la loos.

Tuir Ministra Saúde (MS), Odete Maria Freitas Belo, hateten, nia parte rejeita informasaun kona-ba rezultadu teste Polymerase Chain Reaction ( PCR ) ne’ebé analiza iha Laboratóriu Nasional ( LABNAS ) Timor – Leste laiha kualidade,  tanba durante ne’e Timoroan no  ema estranjeiru barak ona mak utiliza teste PCR refere bainhira atu viajen sai  ba rai li’ur lori rezultadu husi ne’e no laiha problema durante viajen.

“Ha’u lahatene informasaun teste laboratóriu ba PCR laiha kualidade, atu deklara katak Laboratóriu Nasionál ne’e ida de’it no atualmente halo atividade teste ba ema ne’ebé presiza no makina halo analiza ba amostra sira entaun ha’u nafatin hateten katak Laboratóriu Nasionál nia teste iha kualidade , ” Imforma MS hafoin remata enkontru ho Primeiru Ministru  (PM), Taur Matan Ruak , iha nia  Rezidénsia Farol, (27/04/2021)

Governante haktuir, bainhira Timor oan 35 atu halo viajen husi Dili ba Inglaterra, halo tránzit iha Kuala Lumpur  Malázia,  parte imigrasaun sira identifika dokumentu pasajeiru la prenxe rekezitu, liuliu rezultadu teste PCR Ministra konsidera, presiza duni identifika no buka hatene dokumentu teste PCR ne’ebé mak scan de’it.

“Normalmente kuandu ita atu bá rai  liur,  la’ós na’in  haat ou na’in  lima de’it maibé ema lubuk ida ona mak ba, no la’ós Timoroan de’it maibé ema estranjeiru sira ne’ebé hakarak ba vizita sira  nia família no mós antes sai halo teste PCR no Laboratóriu Nasionál mak halo teste no fó sai rezultadu analiza, ne’ebé durante ne’e laiha problema”, nia esplika

Nia salienta, Ministériu Saúde(MS) no Laboratóriu Nasionál(LABNAS) sei buka solusaun, liuhusi Ministériu Negósiu Estranjeiru no Kooperasaun no ajénsia ne’ebé trata viajen sira hodi husu loloos problema ne’e iha saida mak sira haruka karta mai no tuir karta ne’ebé ami simu, ema sira ne’e fila la’ós tanba kualidade teste PCR, maibé iha dokumentu balun mak sai kestaun ba sira.

 

Jornalista            : Sandi Belo

Asisten Editór     : Pedro de Almeida

1,045 Views
Artikel ini telah dibaca 96 kali

badge-check

Editor

Baca Lainnya

MS Asina MoU ho Universidade Tazmania Atu Hakotu Mortalidade Maternal iha TL  

22 September 2023 - 15:27

CVTL Liu Husi Banku de Sangue  Hala’o Atividade Doasaun Ran Iha Fundasaun PAX

31 August 2023 - 14:08

MAP-MS Ameasa Virus Rabies Sei La Tama TL “Labele Pániku”  

2 June 2023 - 15:04

Pasientes HNGV 200 Resin La Ezerse Direitu Votus

21 May 2023 - 15:20

“Merese” Kondekora Médiku Cubanu 71

9 May 2023 - 12:31

Komunidade Berkoli Simu Tratamentu Matan Husi Klibur  Profisional Partidu CNRT

3 April 2023 - 17:09

Trending di SAÚDE