Lafaek News—Ministra saúde, Odete Maria Freitas Belo, kazu funsionariu bombeirus ida ne’ebé mak hetan vasinasaun hafoin kona struck ne’e laiha ligasaun maibé loke MS nia hanoin atu halo estudu ba reasaun vasina astrazeneca.
“Kazu bombeirus nian ne’e iha kazu ida ne’ebé mak espesifiku ituan, bainhira nia simu tiha vasina iha dadersan iha loraik nia struck kedas, atu hatete de’it katak ami halo hela investigasaun ba kazu ida ne’e, maibé iha rezultadu pre-liminaria hatudu katak la iha ligasaun ho vasina astrazeneca,” hateten, MS, Odete Maria Freitas Belo, ba jorrnalista sira hafoin hasoru malu ho PM iha Faról, tersa, (27/04/2021).
Ministra informa, halo ona resis sitiscan ba kazu ne’e no la’o tuir nia istória moris nian. maibé iha relatóriu laiha ligasaun, tanba ne’e parte saúde nafatin kompremete katak ne’e hanesan reasaun husi vasina nune’e bele halo estudu klean liu tan.
“Ami nafatin sura ida ne’e hanesan reasaun husi vasina nian, atu ami kontinua halo nafatin estudu atu hare’e ida ne’e, iha duni ligasaun entre vasina ne’ebé mak nia simu ho moras ne’ebé mak nia hetan ne’e ka lae,” nia hakotu.
Jornalista : Sandi Belo
Asisten Editór : Pedro de Almeida
