Lafaek News—Ministra Saúde (MS), Odete Maria Freitas Belo, afirma, númeru kazu Covid-19 sa’e makas no Timor-Leste sei implementa meidadas rigorozu bainhira iha ona transmisaun komunitária.
“Ita iha tendénsia atu ba iha transmisaun komunitária entaun ita iha planu kontijénsia klaru, iha medidas balu ne’ebé mak rigorozu liu tan ne’ebé mak sei foti bainhira ita deklara duni katak ita tama ona iha situasaun ida transmisaun komunitária nian,” dehan Ministra Saúde Odete Maria Freitas Belo, ba jornalista sira hafoin hasoru malu ho PM Taur Matan Ruak, iha Faról, Tersa (27/04/2021).
Ministra hatutan, medidas ne’e Konsellu Ministru sei diskute nune’e bele deside hamutuk no medidas saida maka bele aplika kaundu tama ona transmisaun komuitária nune’e bele prevene saúde públiku.
Governante ne’e mós relata, hahú identifika ona fatin izolamentu iha munisípiu sira máka hanesan Baukau, Manatutu inklui Manufahi.
Alende ne’e mós nia informa, objetivu husi hasoru malu ho Primeiru Ministru (PM) Taur Matan Rauk, ohin ko’alia kona-ba medidas ba prevensaun Covid-19 durante estensaun estadu emerjénsia iha fulan Maiu nia laran.
Jornalista : Sandi Belo
Asisten Editór : Pedro de Almeida
