Lafaek News-(Baukau)-Transporte públiku husi munisípiu Baukau motorista sira hala’o asaun mogok (paradu) tanba pasajeirus sira selu la tuir folin mina ne’ebé sa’e iha Timor Leste.
Estudante munisípiu Baukau Nuncio Pereira hateten motorista mikrolete ne’ebé sirkula iha sidade Baukau la halo movimentasaun fo impaktu ba estudante sira ne’ebé hela dook husi eskola labele asesu aula ho razaun kareta mikrolete Baukau paradu hotu tanba mina folin karun.
Ha’u senti ladún konfortavel sente triste, tanba transporte públiku iha Baukau laran para hotu tanba mina karun no halo ami estudante sira tenki la’o ain de’it ba uma no tarde ba eskola, ami mos transporte privadu laiha pasiénsia ami la’o de’it,’’ estudante Nuncio Pereira ba lafaek news iha Baukau, segunda (04/04/22).
Estudante ne’e husu governu atu buka solusaun ba problema presu mina ne’ebé sa’e iha rai laran, tanba movimentasaun transportes públiku importante atu tula pasajeiru sira no tula estudante sira ne’ebé distánsia dook husi edefisiu eskola atu labele tarde ba eskola.
Iha sorin seluk, jornalista husi media online Lafaek News tenta atu halo konfirmasaun ba motorista bus husi diresaun Baukau (BM) Dili iha terminal Bekora kona-ba asaun grebek iha loron segunda (04/04/22), maibé motorista ida hasai lia-fuan ameasa hasoru jornalista bainhira jornalista ne’e husu ajuda atu intrevista sobre asaun mogok ne’ebé motorista sira halo iha Bekora.
Imi mai atu interviu ami ka? ha’u hatan sim entaun nia hatán mai ha’u la bele halo interviu mai ami orsida ha’u soku o nia hirus matan de’it ona foti o riba iha aspal foin hatene,’’ katak motorista bus Baukau ba jornalista media Lafaek News iha terminal Bekora, segunda (04/4/22).
Jornalista media lafaek news Orlando Magno haktuir kronolojia katak, intensaun husi jornalista nian atu halo konfirmasaun ba motorista sira kona-ba asaun grebe hodi hatutan sira nia lian ba governu oinsá bele rezolve problema presu mina iha Timor Leste.
Ohin ha’u ba iha Terminal Bekora, maibé maun kondutor bus sira lakohi kopera ho jornalista atu foti informasaun ka halo entrevista ba sira, at liu mak kondutor ida ameasa tan ha’u, husi ameasa ne’e ha’u la konsege halo entrevista tanba ha’u sente liafuan husi kondutor ne’e kroat demais entaun ha’u trauma no husu deskulpa ba maun kondutor ne’e,’’ katak jornalista husi média lafaek news ne’e.
Jornalista : Ana Romanada Silva
Editor : Agapito de Deus
