Lafaek News—Presidenti Eletrisidade Timor Leste (EDTL.EP), lori ona instalasaun eletrisidade naroman ba uma kain 179 kompostu husi aldeia rua Asio ho Atupae suku Parami postu administrativu Atsabe munisípiu Ermera.
Populasaun suku Parami moris nakukun dezde tempu kolonializasau tinan 500, invasaun Indonezia tinan 24, too Timor Leste Ukun An tinan 21, total tinan 546 eletrisidade foin tama iha suku Parami hodi haroman netik povu kiik sira ne’ebé moris iha areas remotas, laiha informasaun husi media no dook husi sidade.
Iha serimonia inaugurasaun hala’o iha loron 23/06/2023, iha aldeia Asio ho Atupae suku Parami, Presidente Eletrisidade Timor-Leste, Paulo Alves, parabeniza komunidade Sira iha suku Parami ne’ebé asesu ona eletrisidade, tempu naruk ona komunidade sira hein hahú dezde tempu kolonializasaun Portugués no invazaun Indonesia too Timor-Leste ukun An besik Tinan 23 ona maibe komunidade suku Parami foin asesu ba lina eletrisidade.
“Ohin Ha’u mai atu inaugura no loke naroman ba komunidade sira ba dala uluk, Ha’u hatoo parabens ba komunidade suku Parami, tanba hein tinan naruk Portugués nia Tempo, Indonézia nia tempo ho Ukun An Tinan 23 ona, maibé ohin loron Ita halo konten foun ba Vida suku Parami nian, Ha’u senti orgullu no kontente hamutuk ho nain hira ne’ebé asesu ona eletrisidade,” katak Paulo Alves.
Prezidente EDTL ne’e afirma, povu liberta-an no mos hetan naroman, tanba komunidade suku Parami ohin loron senti ona ukun rasik an, asesu ona eletrisidade, durante tempo naruk laran komunidade sira tur iha nakukun laran.
“Ha’u nia agradese ba komunidade sira ba autoridade lokal no lia–nain sira hotu no mos ba imi joven Sira ne’ebé fo imi nia kontribuisaun makas ohin Ita bele inaugura ahi ne’e atu nu’une Ita be’ele uza, seim imi nain hira nia kontribuisaun Ha’u senti difisil atu atinje no konklui servisu boot Ida ne’e,” nia agradese.
Iha Sorin seluk representante Autoridade Nacional Para Eletrisidade (ANE.IP) Maria Mendonca Moniz, reforsa ANE.IP nia servisu importante hanesan regulador no fiskalizadór.
“Ami Nia presensa ohin iha ne’e saida mak ami atu halo Ami hnesan regulador nia servisu mak hanesan prepara regulamentu sira no Lei sira,no mos date line Sira no mos padraun sira ida ne’e mak ami Nia servisu i mos Ami prepara Ida ne’e Ami mos hanesan piskalizador,ba EDTL Nia servisu no mos Ami hare Kona ba oinsa hari ai Rin karik tuir padraun ne’ebé mak iha”
Entretantu ANE .IP Nia servisu sei hare Liu Kona-ba implementador Sira hanesan EDTL.EP, Kona-ba instalasaun ba lina eletrisidade nian tuir padraun ou lae no mos ANE.IP nia servisu atu asegura no hases risku sira husi utilizador sira.
Entretantu, projetu eletrisidade ne’ebé instala iha suku Parami haleu aldeia 6, hetan responsabilidade husi kompania Aitula, ohin loron aldeia 4 asesu ona naroman no falta aldeia rua seidauk, maibé kompania Aitula promete tempu badak eletrisidade sei lakan iha aldeia rua hanesan Atubuti ho Aliatu.
Jornalista : Felix Fernandes
Editor : Agapito de Deus