Lautém-(Lafaek News)—Populasaun uma kain atus 7 resin husi suku Mahina II, postu administrativu Lautém, munisípiu Lautém, enfrenta krize bee mós durante tinan 18 husi okupasaun Indonézia too ohin independénsia.
Reprezentante komunidade suku Mahina II, João dos Santos esplika, situasaun ne’e obriga populasaun sira tenke lori masa la’o ain ho distánsia kilu-metru 2 hafoin asesu bee mós hodi kuru utiliza ba nesesidade lor-loron.
“ami ne’e terus liu tinan naruk nia laran ona hahu kedas Indonézia tempu to ita ukun aan mos ami sei terus ba bee mós ami tenke la’o buka bé ne’e kuaze kilomtru rua resin mak ami lalin sae mai uma hodi konsumu tamba ami bé araska,” dehan komunidade, João do Santos, ba Jornalista Lafaek News, iha (Laikara, 28/11/2020)
Entretantun, antes ne’e governu dada ona bee ba sira, maibé la sufisiente tanba bee ne’ebe fornese husi bee- matan ki’ik liu nune’e la konsege distribui ba komunidade hotu iha suku refere.
“Bee ne’e uluk kedas dada ona husi suku vizinho sira maibé la naton ba ami atu uja ba lor-loron, ami tenke hein semana ida kuru bé ne’e dala ida de’it maibé ema ida kuru de’it mak masa 5 litrus ne’e sanulu,” dehan nia.
Entretantu aldeia tolu ne’e mak aldeia Oirata, Kedculoru no Kodchu, kompostu husi uma kain hamutuk atus 7 resin mak susar ba bé mos iha suku refere.
Jornalista : Anselmo Monteiro
Editora : Nelya Barros
