EKONOMIA · 8 Dec 2020 04:24 ·

Mehi ba Moris Di’ak Sai ‘Mout’, Kauza Hosi EE


Mehi ba Moris Di’ak Sai ‘Mout’, Kauza Hosi EE Perbesar

Lafaek News—Durante estadu emerjénsia fó impaktu direita ba moris Etelvina Soares no família ninian, mezmu hanesan negosiante maibé rendimentu tu’un makas kompara fali ho loron baibain.

Etelvina Soares, negosiante ambulante, hanesan mós negosiante sira seluk ne’ebé iha mehi lori moris di’ak ba oan no beioan.

Maibé mehi ne’e hanesan hela de’it ba mehi, tanba hafoin mosu surtu covid-19 iha mundu tomak ne’ebé afeta direita ba situasaun glóbal. Governu Timor Lorosa’e foti desizaun atu halo prevensaun ba propagasaun pandemia refere, deside atu implementa estadu de sítiu ka estadu emerjénsia.

Ho implementasaun EE kuaze ekonomia rai laran parádu total, tanba la iha atividade ekonómia hanesan loron baibain. Nune’e afeta tebes ba vida negosiante iha territóriu laran liuliu ba Etelvina Soares, tanba antes governu implementa EE kada loron nia bele hetan $15 maibé hafoin governu implementa loron tolu ou bele to’o semana ida foin mak hetan $15.

Situasaun refere obriga nia simu mezmu todan maibé realidade mak nune’e, hanesan sidadaun ida di’ak sempre kumpre ba desizaun saida mak estadu foti tanba desizaun sira ne’e hotu di’ak ba entidade ou povu tomak.

Tuir mai nia konta situasaun ne’ebé akontese dezde implementasaun EE hodi afeta ba ninia vida privadu.

“Estadu emerjénsia ne’ebé dehan ema la bele halo movimentasaun maka’as, halo ami difisil atu hetan osan nu’udar vendedór tanba ami nia rendimentu depende ba ema ninia kompra,” Etelvina ba LafaekNews foin lalais ne’e iha Largo Lisedere.

Hatutan nia, dala ruma sasán ne’ebé ami fa’an hotu más barak liu mak ema la sosa ida tanba kompradór la iha.

“Dala ruma, ami mós tein etu (halo etu falun) fa’an maibé ema la hola, entaun ami lori fila ba uma fakar de’it,” tenik nia

Argumenta nia, karik ita iha foho di’ak tanba bele garante netik ba toos más agora labarik sira ki’ik hotu no eskola iha Dili, tenki fa’an sasán maibé ho implementasaun EE ne’e difikulta tebes ba vida moris loron-loron.

“Ami bo’ot sira ne’e di’ak, maibé ba ami nia oan sira ne’e atu han saida, atu lori saida ba eskola no atu uza saida hodi selu karreta ba eskola. Ida ne’e halo ami triste bo’ot,” hakotu nia

 

 

Jornalista : Felisberto da Costa Fernandes

Editór        : Ezequias Tomás

1,166 Views
Artikel ini telah dibaca 30 kali

badge-check

Editor

Baca Lainnya

Setor Rua Nudar Baze Ba Ekonomia Timor Leste

15 June 2024 - 17:58

Kompania Ida Husi Austrália Bele Produz Adubu orgániku Husi Popok Labarik Nian

14 June 2024 - 17:49

ILO Ho Tradelnvest  Haforsa Negosiu Nu’u Ba Coconut Oil Iha TL

23 May 2024 - 17:26

BUNDA Loke Servisu ba Komunidade Liu Husi Transforma Aihan Lokal ba Aihan Modernu   

26 April 2024 - 23:24

Traballadór Austrália Fulan 1 Manan $ 4.000 Too $ 5.000

26 April 2024 - 09:13

FJDE Apoiu EhD Dezenvolve Setor Kafe Uut Sirkula Ona Iha Merkadu Nasional

22 April 2024 - 15:52

Trending di EKONOMIA