Legalidade Timor oan ne’ebé utiliza pasaporte Portugal
Pasaporte Portugues hola parte iha Uniaun Europeia no pasaporte ne’e rasik free visa atu visita ba kuaze nasaun 187. Lei TL nian fó dalan ba Timor oan sira atu hetan nasionalidade dupla, sidadaun Timor-Leste bele kandidata sira nia aan ba sidadaun Portugues tanba Portugal hanesan ex- kolonial TL.
Bazeia ba impedimentu ne’ebé akontese iha Aeroportu Jakarta no Kuala Lumpur inklui Singapura, ba sidadaun Timor-oan sira ne’e, la tuir ona baze legál standar intenasionál nasaun hotu ne’ebé aprova ba pasaporte Portugues ne’e, Tanba ema ne’ebé uza pasaporte Potugues iha direitu legál atu halo viajen ba nasaun hotu liliu ba Eropa.
Pasajeirus hirak ne’e hanesan ida husi rihun ema Timor-oan ne’ebé servisu iha Reinu Unidu maka uza passaporte Portugues no iha legalidade ba membru Uniaun Europeia.
Vantajen ba Timor-oan ne’ebé servisu iha Reinu Unidu utiliza pasaporte Portugal
Durante ne’e joven barak maka servisu iha rai liur no sira nia serbisu kontribui maka’as ba dezenvolvimentu ekonomia familia no nasaun ne’ebé singifikante tebes. Tanba osan sira ne’ebé hetan iha ema nia rain, kuaze haruka ka halo transferénsia mai banku iha TL iha númeru boot.
Bazeia ba dadus husi Diresaun Nasionál Servisu iha TL durante fulan Fevereiru 2018, transferénsia osan husi ema Timor oan iha rai liur, barak liu mai husi Reinu Unidu ho totál porsentu 63 ho valór 27 milaun de dólares iha tinan 2017.
Des-vantajen ba Timor-oan ne’ebé servisu iha Reinu Unidu utiliza pasaporte Portugal
Timoran sira sente konfuzaun tanba saida maka uza pasarporte Portugal mai Timor-Leste, no fila-fali ba Eropa tenke hetan impediméntu tanba de’it “hatais ropa simples no tikete fila laiha ne’e maka razaun ida” Lojika ne’e iha ne’ebé?
Timor oan sira ho nasionalidade dupla labele fila mai sira nia rain rasik tanba de’it ema ema diskusidu sira ne’ebé falta de kuñesimentu halo impedimentu no ida ne’e kontra regras sira.
“Impedimentu sira iha terrenu kuaje akontese ba pasajeirus husi ajénsia hotu-hotu ne’ebé faan billete iha Timor, bazeia ba informasaun ne’ebé rekolla katak ekipa Imigrasaun no Airlines maka halo impedimentu maibé razaun sira kona-ba impedimentu la ho karta justifikasaun ruma.” (haktuir Diretur Ajénsia Narpov Ateita)
Impedimentu LA HO Justifikasaun
Ajénsia Narpov Ateita sempre manda email ba Airlines hodi konfirma kona-ba impedimentu sira ne’ebé akontese ba pasajeirus, maibé parte airlines sempre husu katak ninia fallansu ne’e iha ne’ebé? tanba ne’e maka Diretór ajénsia sujere ba pasajeirus sira atu husu ba parte kompetente ne’ebé halo impedimentu, nune’e justifika kona-ba razaun impedimentu ida ne’e no relata mai ajénsia atu nune’e bele reklama ba airlines bazeia ba faktus.
Diretór ajénsia dúvida katak se maka autór loloos husi impedimentu hirak ne’e? airlines ka imigrasaun? importante no legal liu maka wainhira impedimentu akontese karik tenke mai ho justifikasaun klaru la’os koalia de’it depois faktus laiha no pasajeirus maka sempre vítima.
Wainhira identifika katak pasajeirus sira nia tikete falsu karik, tenke esplika no fo razaun klaru.
Tuir loloos sidadaun Timor ne’ebé uja pasaporte portugues ho objetivu viajen ba Eropa la presija tikete ba mai tanba nia estatutu ema Eropa ne’ebé uza pasaporte portugues no labele hare’e ba nia ema Timor tanba nia transit uja passaporte portugues no pasajeirus refere iha (nasionalidade rua; Portuguesa no Timorénse) pergunta maka tanba saida maka sira halo impedimentu refere? justifikasaun ba razaun impedimentu ne’e iha ne’ebé? tanba ne’e maka Ajénsia Narpov Ateita halo protesta.
Kronolojia ba razaun impedimentu iha Aeroportu Jakarta
Pasajeirus labele halo viajen tanba pasajeirus refere hatais sinelus de’it no hatais kalsa badak no nia lamerese atu halo viajen ba Eropa. Maibé pasajeirus refere ninia evidénsia forte tanba nia iha settle status, nia iha hela fatin klaru iha Eropa, nia serbisu no nia kumpri regras.
Kronolojia ba razaun impedimentu iha Aeroportu Kuala Lumpur
Pasajeirus ema Timor oan ne’ebé uza pasaporte Portugal atu halo viajen ba Eropa atu ba serbisu maibé autoridade imigrasaun kuala lumpur impede tanba tikete fila mai Timor laiha. Afinal nia estatutu klaru katak nia iha nasionalidade rua tanba saida maka tenke apresenta tikete fila a final nia fila ba Eropa no uza passaporte eropa.
Impaktu negativu mai ajénsia sira iha Timor
Ema Timor-oan no estranjeiru sira sei dúvida ho ajénsia de viajen sira iha timor ba sira ninia kualidade no ema lakohi sosa billete husi ajénsia iha.
Ajénsia de viajen sira sei la fornese tan fornese asistensia no komunika ba kliente sira iha rai laran nomos rai liur hodi fornese no determina pakote turismu ne’ebé eskolla tama iha rai laran no sai ba rai liur, fó asistensia ba reservasaun.
Ajénsia sei taka no oportunidade sira mós sei lakon tanba la kontribui iha area turismu hodi bele hasa’e reseitas iha devisas, kria kampu servisu iha rai laran, oportunidade atu estimula kresimentu portantu iha area turismu sei lakon, labele provoka atu hasa’e kresimentu ekonómiku iha rai laran.
REKOMENDASAUN SIRA BA GOVERNU
MNEK tenke establese koperasaun servisu ho embaixada sira hotu – hotu atu kria kondisaun ida dignu ba ita nia emar sira ne’ebé halo TRANSIT BA nasaun sira no buka hatene razaun saida husi impedimentu sira ne’e hotu nomos labele halo jeneralizasaun ba timor oan hotu.
MNEK maka iha responsabilida boot liu intremus de Lei atu bele fó protesaun ba ninia sidadaun sira, MNEK iha kompetensia atu bele halo koperasaun hamutuk ho embaixada sira ne’ebé lokaliza no ezisti iha rai laran no rai liur, liliu iha fatin sira ne’ebé timor-oan sira hasoru problema waihira sira transit.
MNEK tenke husu klarifikasaun kona-ba tanba saida maka Timor-oan ne’ebé utiliza passaporte portugues labele halo viajen ba Eropa la ho Karta deklarasaun ruma.
Karta alerta ne’ebé fó sai ne’e loos no normál tanba maluk balun halo viajen la tuir regras. Maibé laos vale ba sidadaun timor oan hotu-hotu ne’ebé halo viajen ba eropa. no Embaixador/a sira tenke esplika no klarifika loloos kona-ba ida ne’e ho klaru atu nune’e ema labele lakon osan barak.
Rekomendasaun Ba Pasajeirus Hotu Timor Oan Sira Ne’ebé Uza Pasaporte Timor No Portugues Atu Halo Viagen Ba Eropa
Pasajeirus ne’ebé utiliza passaporte Timor atu halo viajen tenke hatene objetivu de viajen atu halo saida.
Tenke buka konsultoria de viajen ida ne’ebé bele fó informasaun loos kona-ba kriteria sira atu halo viajen utiliza passaporte TL
Atu sosa billete karik labele sosa online tanba dalaruma pasajeirus manda osan maibé simu tikete falsu ka tikete la haruka.
Wainhira sosa billete karik tenke iha Logo ajénsia iha billete, diresaun ka fatin faan tikete tenke klaru katak ajénsia ne’ebé fornese billete maka ne’e iha ne’ebé.
Tikete ne’ebé faan tenke rejistu iha SERVE (hodi garante legalidade no diresaun SERVE nian hakerek mós iha billete nia laran
Naran ema ne’ebé maka fó sai tikete ka issue ticket tenke klaru no hakerek iha billete atu nune’e pasajeirus ninia viajen la’o ho di’ak no susesu too fatin destinasaun no akontese prolema bele reklama.
Sosa tikete ba mai tenke mai ho KODE ida de’it ka PNR number hanesan no ida ne’e’e bele fortifika ita nia razaun viajen.
Maibé kuandu tikete ketak – ketak mós laiha problema, naran katak pasajeirus hatene koalia ingles oituan no bele esplika rasaun tanba saida maka ketak-ketak.
Sira ne’ebé iha ona settle status bele sosa tikete ba mai iha inglaterra tanba sira ema eropa, sira bele mós sosa Tikete One Way naran katak sira prova sira ninia identidade hanesan ema Timor-Leste.
wainhira laiha provas ruma atu fortifika ita nia identidade timor, ema sei la autoriza
Sira ne’ebé primeiravez hetan pasaporte portugues atu halo viajen ba eropa, sira bele tikete one way de’it tanba sira nia identidade nu’udar ema eropa klaru, settle status, iha billete de identidade (BI) Eropa, nia hakarak ba join family permit visa. maibé sekarik nasaun Inglaterra la autoriza nia bele ba buka fali nasaun eropa seluk ne’ebé nia hakarak servisu ba (Dublin, Irlanda ka fatin seluk)
