Lafaek News (Aileu)–Xefe suku Fahiria postu Aileu Villa, munisipiu Aileu, Alberto Lou Teus informa, durante ne’e sira uza rasik komputadór rua ne’ebé mak sosa uza fundus operasionál hodi atende servisu suku nian.
Ita iha komputadór rua ne’ebé mak ita hola rasik, ida iha sekretaria nia fatin, ida ha’u sosa rasik ha’u nia laptop ida ne’ebé mak uza, nemak ha’u presiza governu kria kondisaun, hanesan sidadaun ida ha’u prontu apoiu governu maibé governu mós labele haluha ha’u nia apoiu ne’e,” dehan Xefe suku Fahiria Alberto Lou Teus iha Mantane Aileu Villa, segunda (20/12/21).
Enkuantu mundu ida agora laos mundu ida horseik, maibé mundu ida ne’ebé mais avansadu, presiza buat hotu-hotu servisu ho eletrónika.
Tanba ita nia mundu agora, mundu laos horseik ba kotuk lae, mais agora mundu ida ne’ebé ke mais avansadu, buat hotu-hotu ita servisu ho eletrónika, entaun sasan ne’ebé atu fasilita ita di’ak liu prosesu iha minutu balun nia laran ka oras balun nia laran ne’e mak eletrónika,” informa Xefe suku Fahiria Alberto Lou Teus.
Relasiona ho problema ne’e, mezmu Ministériu Administrasaun Estatál promete ona maibé até data seidauk bele rezolve, aleinde problema sira seluk mak dezempregadu kontinua aumenta liu-liu estudante sira ne’ebé remata ona sira nia estudu iha nivél Universidade laiha kampo traballu.
Ha’u nia espetativa hanesan lider komunitáriu mak ne’e governu labele fó servisu maibé oinsá mak governu kria kondisaun, signifika katak governu apoiu sira iha kualker parte bazeia ba sira nia profisaun,” hakotu Alberto Lou Teus.
Jornalista : Juvita dos Santos
Editor : Agapito de Deus
