Lafaek News (Aileu)–Estudante 21 kompostu husi filiál munisipiu Aileu no filiál munisipiu Ermera simu graduasaun dahuluk husi formasaun Timor Leste Training Centre (TLTC).
Formadór Departamentu Hortikultura Valentin Maia Gusmão hateten, estudante graduadu 21 ne’e kompostu departamentu tolu hanesan, departamentu hortikultura nain 5, Ingles 6 no admiministrasaun no Finansas husi filiál Ermera hamutuk nain 10.
Esperénsia ne’ebé mak durante ha’u fó sira ha’u garantia, sira hanesan moto ne’ebé ita hakerek la’os atu dehan iha de’it ne’e, maibé hakarak kompete ba mundu de traballu nomós sira bele fó servisu ba sira nia an durante fulan neen, teoria fulan tolu no prátika fulan tolu,” dehan Formadór hortikultura Valentin ba media iha Mantane Aileu, segunda (20/12/21).
Enkuantu atividade ne’ebé departamentu hortikultura halo mak kuda brokoli, pateka, baria no seluk tan, nune’e kolletór sira mak ba foti diretamente.
Kolletór sira mai foti diretamente iha ami nia fatin, karik tempu ne’ebé la limita entaun ami tenke haree ba ami nia rezultadu ne’ebé iha ona, entaun ami tenke lori ba merkadu públiku,” informa Nia.
Ne’eduni orsamentu ne’ebé akomula hahú husi 2019 até agora, sosa fila fali ekipamentus no materiál sira liga ho área ne’e rasik.
Iha fatin hanesan, Diretór SEFOPE munisipiu Aileu Jasinto da Costa Soares, apresia ho formasaun ne’e tanba Aileu no Ermera nu’udar fatin ne’ebé potensiál tebes ho hortikultura no ingles, nune’e graduadu sira bele kompete iha merkadu traballu liu-liu demanda ne’ebé mai husi Australia presiza tebes Timor-oan ne’ebé mak ita abilidade iha hortikultura no Ingles.
Ha’u nia liamenon ba sira labele kontinua ho sertifikadu ne’ebé iha ona, kontinua nafatin labele hanoin katak servisu rai liur de’it, maibé toos nain rasik ida ne’e importante atu nune’e ekonomia ne’e labele monu iha ita nia uma laran,” hakotu Nia.
Jornalista : Juvita dos Santos
Editor : Agapito de De
