Lafaek News–Gurada floresta Munisípiu Lautém prende ai-kameli iha area suku Lore postu administrativu Lospalos munisípiu Lautém.
Guarda Floresta Lautem halo aprensaun ai-kameli besik kilu grama 50 iha tuku 4 dadersan iha loron sesta semana kotuk bainhira tula husi kareta diresaun Lore Lospalos vila, hamutuk negosiante Lore ne’ebé atu fan sira nia sasán iha merkadu.
Xefe guarda floresta Munisípiu Lautém Albino Pereira hateten antes ne’e sira hetan ona informasaun husi komunidade sira katak abitante nain tolu husi suku Lore primeiru aldeia Cahai atu tula ai-kameli ba fan iha Lospalos vila.
Durante ne’e ami buka tuir hela ema sira ne’e maibé sexta feira ne’e ami konsege prende aikameli sira Ne’e tanba servisu hamutuk ho polísia suku Lore nian konsege prende aikameli hirak ne’e”Aikameli sira ne’ebé sira hamos ona sira tau iha kaixaoaran taka ho isolasi metin didiak e balu sira tau iha pasta abitante nain tolu husi suku Lore primeiru nian mak identifikadu hanesan autór tanba ne’e segunda feira ohin ami haruka sira mai iha edefisiu floresta hodi presta deklarasaun no submete ba iha polísia investigasaun hodi aprezenta ba Ministerial públiku,” informa Albino ba lafaek news iha Lautem segunda (20/12/2021).
Entertantu, guarda floresta Lautém sei la tolera ba abitante sira ne’ebé mak koko atu fan ai-kameli ho dalan ilegal, sei prende mós abitante sira ne’ebé gosta oho animal fuik hanesan meda rusa no fahi fuik iha area protezidu hirak iha munisípiu Lautém.
Jornalista : CE. Lautem
Editor : Agapito de Deus
