Lafaek News (Aileu)- Lianain Raimansu nian, José da Costa hateten, rituál ne’ebé halo hodi husu lisensa iha na’an urat husi fahi nian iha sikun uituan, sinal katak lian seidauk hanesan, iha komunidade balun konkorda hari’i sidade univesitáriu iha Aileu no balun la apoiu.
Na’an urat ne’ebé ohin ami hari’i husi fahi no manu katak iha buat hotu-hotu loos maibé sikun oituan hatudu katak lian seidauk hanesan , iha balun konkorda no apoiu, iha balun la apoiu, ida ne’e mak ohin haree na’an urat iha nebá ne’e iha ninia ibun kroat maibé iha ninia sorin ne’e fó sikun hela,” dehan Lianain José da Costa ba media iha Suku Bandu Datu Aileu, segunda, (20/12/21).
Lianain ne’e informa, iha komunidade Aileu ne’e, iha balu simu projetu universitáriu ne’e ho kontente no iha balun la gosta atu loke sidade ruma iha munisipiu Aileu.
Entaun hatudu katak iha ita komunidade Aileu ida ne’e iha balun simu no kontente maibé iha balun lae, iha balun sei la gosta atu loke mós sidadae ruma iha ita munisipiu Aileu ida ne’e, maibé ami haree katak bele oinsa mós ba oin ita hamutuk bele la’o, la’o ho universidade ne’ebé agora dadaun loke iha ne’e,” hakotu Nia
Iha fatin hanesan, Ministru Ensinu Supeiór Siénsia no Kultura (MESSK), Longuinhos dos Santos hateten, urat balun hatudu sinál ladun di’ak ne’e signifika Timoroan balun mak la konkordánsia ho prosesu ne’e tomak.
Ne’e signifika katak buat balun ne’ebé mak, ita nia Timoroan balun ne’ebé mak la konkordánsia ho prosesu ne’e tomak, maibé ne’e normál, maibé ohin hateten katak iha konkluzaun ikus la’o ho di’ak sei la’o ho normál, ” dehan MESSK Longuinhos dos Santos.
Portantu Governu iha komitmentu katak, hala’o dezenvolvimentu ida ne’e ba dezenvolvimentu ba Timoroan hotu-hotu nian, programa ne’e oitavu governu konstituisional nian, hakarak ka lakoi tenke aselera ba oin tanba di’ak ba Timoroan, di’ak ba munisipiu Aileu ne’e rasik.
Ita boot sira akompaña katak iha prosesu levantamentu dadus ba sidade universitáriu Aileu, liu-liu atu halo prosesu indimidasaun ke iha familia uma kain 29 ne’ebé mak la konkorda maibé iha balun mós mai hasoru ona senhor administradór atu bele halo indimidasaun, karik mak ita nia maluk Timoroan balun mak la aseita ida ne’e, nia iha mekanizmu ida ita asegura nafatin sira nia direitu no seluk mak prosesu tuir justisa ne’ebé mak iha kontinualidade karik ita nia komunidade balun la konkorda ho ida nebá,” informa MESSK Longuinhos dos Santos.
Enkuantu totál komunidade ne’ebé hetan indimidasaun ne’e hamutuk 79, pagamentu iha prosesu hotu ona, familia hamutuk 29 mak seidauk konkorda, maibé agora dadaun balun mai hasoru ona administradór, asegura nafatin sira nia direitu. Rai ba futuru sidade Universitáriu ne’e ho medida hektares 24 no plantasaun ne’ebé iha mak hanesan ai-horis, uma balun ne’ebé mak halo indimidasaun ba sira.
Jornalisa : Juvita dos Santos
Editor : Agapito de Deus
