Lafaek news–Rogerio Nunes idade 56, hela iha suko Komoro, moris lor-loron iha mota laran hodi suru rai-henek fan hetan osan selu oan ne’ebé estuda iha Institutu Of Businesse (IOB).
Sente triste bainhira iha tempu udan tamba rai-henek ne’ebe Nunes halibur hamutuk ona mota sobu lakon saugate de’it, hisik kosar laiha folin, maibe falun hela pasiensia tanba moris mak ida ne’e ona.
Tempu udan nee triste liu tamba rai-henek ne’ebé mak ha’u kee hodi halibur hamutuk ne’e ema la tula mota mai lori tiha no lakon d de’it, sorti diak ema mai tula tiha entaun, diak mak ema la tula triste tanba Ita kee mos kolen Senti triste, maibé baibain deit ona,” dehan Rogerio ba Jornalista lafaek news iha mota Komoro foin lalais ne’e
Nia haktuir tan iha tempu udan rendimentu tun liu duke iha tempu bailoron, tanba iha tempu udan rai dodok no susar ba transporte Sira tama laran mota laran susar tula rai-henek ne’e.
Iha tempu bailoron ne’e di’ak liu duke tempu udan, mota la tun dalaruma loron ida ema sosa ret ida lae ret rua ba leten, maibé tempu udan ne’e susar bot tanba rai-dodok entaun kareta sira labele tama mai mota laran hodi tula Rai henek no Rai henek ne’ebe mak ami pineira ne’e ret ida nia folin $ 20 dolar ne’e iha tempu bailoron kundu udan entaun ret ida folin $ 10 dolar de’it,” dehan nia .
Nia haktuir tan nia kee rai-henek hahú husi tinan 2000 to’o agora benefisiu di’ak ne’ebé mak nia hetan husi rai-henek mak nia konsege suporta nia oan feto ida too iha ensinu superior IOB no sekundaria.
Ha’u kee Rai henek hahu husi tinan 2000 too agora benifisiu diak ne’ebe ha’u hetan husi rai henek mak ha’u konsege suporta ona ha’u nia oan feto Ida nia estudu too iha Universiade IOB ,no Sustenta ona hau nia nesesidade lorloron nian maske ha’u nia aman ne’e mak kee rai, maibé Ha’u lakohi ha’u nia oan sira sai hanesan ha’u nian,”haktuir Nia
Entretantu familia husi Rogerio Nunes ho Martina da Costa Martins iha oan nain 9 kompostu husi feto 4 no mane lima entre nain 9 ne’e nain 4 hela iha Turiskai no nain 5 hela iha Dili no entre Sira nain sia ne’e iha nain lima maka eskola no nain ha’at seidauk eskola.
Jornalista : Domingas Viana
Editor : Agapito de Deus
