Lafaek News—ONG Sosiál Survei Timor-Leste (SSTL) apoiu nesidades bazika ba vitima afetadu dezastre naturais ne’ebé akontese iha loron (4/4/2021), hamutuk 177 iha munisípiu Aileu, Postu-administrativu Laulara, Suku Madabeno nune’e bele auguenta ba loron balun hodi hein parte relavante sira.
Koordenadór, ONG Sosiál Survei Timor–Leste (SSTL) Isaias Soares, esplika, intensaun husi distribuisaun Ai-han nesesidade baziku ne’e hanesan jestu solidadridade ba familia sira ne’ebé mak foin lalais hasoru hela situasaun kalamidade ba dezastre naturais iha loron 04/04/2021 halo populasaun barak mak lakon sira nia sasan no familia tanba impaktu husi dezastre naturais.
“Sasan neebe ami fahe mak hanesan fo’os, suprmie nst, ba vitima sira hamutuk 177 kompostu husi 28 uma kain ho lista ne’ebé simu. Ajudus ida ne’e tuir kbi’it ne’ebé mak iha atu aguenta famila sira ba loron balun depois hein ita governu sira,” dehan kordenador ekipa (Social Survey Timor-Leste-SSTL) Isaias Soares, ba familia afetadu indundasaun iha postu Admintrativu Laulara suku Madabenu, foin lalais ne’e.
SSTL mós hakarak agradese ba Timor-Leste Portugal Club ne’ebé mak fó ona apoiu liu husi SSTL no m’os grupo trasaun Jeep community ne’ebé oferese kareta tula sasan to’o iha fatin ida ne’e hodi distribui ba familia afetadu sira.
Entretantu, Administradór Postu Laulara, Isaias Lurdes Guterres, apresia ho ekipa SSTL nia soliedariedade hodi ajuda vitima dezastres naturais nune’e nia parte simu ho laran luak tanba tulun ona nia komunidade sira.
“Apresia tebes ba ekipa sira ne’ebé mak bele to’o ona iha ami nia fatin, sasan ida ne’e la’os kuntidade mak sai sasukat maibé husi ita bo’ot sira nia laran luak no ita bo’ot sira nia tulun ami simu ho laran luak. Dala ida tan laos kuantidade mak ita sura maibé ita nia kolaborasaun mak sai inportante tebes atu bele tulun familia afetadu sira,” dehan Administradór.
Iha Sorin seluk xefi suku madabeno, Afonsu Marqes Henriquemos akresenta tan hanesan liderasa komunitaria sente orgullu tebes ho prezensa SSTL nia hatan ba prekupasoes komunidade sira ligadu ba situasaun ne’ebé sira infrenta, la’os ita nia hakarak maibé natureza nia planu.
“Tanba ne’e ami hanesan autoridade sente orgullu ba prezensa ita bo’ot sira nia bele vizita komunidade sira ne’ebé durante hasoru problema iha baze dala ida tan prezensa husi ita bo’ot sira nia sai hanesan ponte hodi tulun komunidade sira,” nia apresia.
Jornalista :Egidio Nono
Asisten Editór : Pedro de Almeida
