NOTÍSIA JERÁL · 3 Nov 2020 09:26 ·

SSF Hahú “Halerik” Ba Fasilidade Saúde


SSF Hahú “Halerik” Ba Fasilidade Saúde Perbesar

Lafaek News–Sentru Saúde Formoza (SSF) hahú halerik ba fasilidade ne’ebé instala iha sentru saúde ho kondisaun a’at ona hanesan karreta ambulánsia multi-funsaun, AC, kama ba pasiente, sumasu inklui odamatan ho Janela.

“Ami Iha ne’e, AC ne’ebé instala iha kada sala ida ladiak ona, odamatan ho janela, plafond mós la diak hotu, to’o tempu udan, fatin sira ne’e bokon hotu, inklui kontainer ne’ebé tau iha ne’e, atu konsulta pasiente sira mós a’at hotu ona,” preokupasaun ne’e hato’o hosi Xefe Sentru Saúde Formoza, Jaime dos Reis Belo, ba Lafaek News, Segunda (17/08/2020) iha nia kna’ar fatin Formoza.

Nia hatutan, ho problema hirak ne’e, difikulta tebes sentru saúde formoza, maibé nafatin esforsu atu atende ba pasiente sira ne’ebé máka mai halo tratamentu iha sentru saúde ne’e.

“Transporte ne’ebé klinika uza mós ladi’ak ona, kareta multi-funsaun ne’e, halai iha tetuk de’it la bele halo viajen ba fatin sira hanesan Beka’e no Marabia, tanba kareta nia kondisaun ladi’ak, depois labele atu tula pasiente sira ba iha Hospitál Nasionál Guidu Valadares (HNGV), tanba toba fatin mós la iha,” Nia preokupa.

Nune’e, ligadu ho aimoruk sei sufisiente hela, bele halo atendimentu ba pasiente sira, maibé tekniku sira máka sei menus liu, tan ne’e nia parte husu atu aumenta tan parteira no enfermeiru.

“Ha’u husu ba iha Saúde Munisípiu Díli atu bele aloka tan tekniku ba iha parteira no infermeiru ka infermeira sira, tanba la sufisiente atu halo atendimentu ba pasiente sira ne’ebé mai halo tratamentu iha ne’e,” Nia husu.

Nia dehan, enfermeiru no enfermeira sira iha ne’e hamutuk na’in 18 de’it, nune’e mós motorista sira, tanba iha ne’e motorista na’in 2 de’it, no da-daun ne’e na’in ida idade avansadu ona no nia moras hela, se bainhira nia tula ema ba máka hetan dezastre ne’e estadu nia responsabilidade, ”nia esplika.

Iha sorin seluk, Responsavel Sala Emerjensia, Jefa Guterres Amaral, esplika, sala emerjénsia kuartu ida de’it, no kuartu ida iha kama tolu , maibé ida ne’e la sufisiente ba pasiente sira ne’ebé máka atu baixa iha klinika ne’e, tanba moras hahú aumenta.

“Da-daun ne’e moras isin manas, kabun moras no muta aumenta barak entaun fatin sira ne’e la sufisiente ba pasiente, dala ruma pasiente barak liu ona, ami haruka fali ba iha klinika Vera-Krus,” Nia hateten.

Nia mós dehan tan, fasilidade sira seluk hanesan hena ne’ebé atu nahe ba kama leten mós menus, entaun kuandu pasiente sira to’o alta tiha maka foin hasai ba fase hodi uza fali, entaun pasiente seluk atu ba baisa fali hena la iha ona atu uza.

Ho problema hirak ne’e sentru Saúde formoza bei-beik ona hato’o pedidu ba responsavel Saúde Munisípiu dili, maibé to’o oras ne’e sedauk hetan reposta serteza husi Saúde Munisípiu Dili.

Jornalista                : Sandi Belo

Asisténsia Editór   : Pedro de Almeida

1,351 Views
Artikel ini telah dibaca 54 kali

badge-check

Editor

Baca Lainnya

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Guarda Floresta Foun Hamutuk 807 Sei Asina Kontratu Asegura Ailaran

1 April 2024 - 15:41

Uma Kain 72 Hetan Estragus Hosi Dezastre Naturais iha Semana Ne’e

25 March 2024 - 17:21

CVTL Ensera Treinamentu Primeira Sokorru Durante Loron 3 Ba Jornalista TL

24 March 2024 - 13:28

Xefe Suku Komoro Ho Komunidade Limpeza Merkadu

3 March 2024 - 09:17

Trending di NOTÍSIA JERÁL