Lafaek News–Ministériu Saúde (MS) liu hosi, departamentu saúde públika, sei re-inísia programa Saúde Na Família (SNF), hodi oferese maneira antedimentu ba komunidade liu hosi saúde bá moris di’ak.
Tuir Diretora Nasionál Saúde Públika, Izabel Maria Gomes, informa, Programa Saúde na Familia (SNF), atu lori saúde besik bá Komunidade no fahe alternativu atu bele oferese maneira atendimentu ba povu liu hosi Saúde ba moris di’ak.
Nia hatutan, objetivu ba programa Saúde na Familia atu implementa pakote servisu komprensivu ba saúde primaria iha uma kain hotu liu hosi atividade vizita dormisiliariu, konsulta Klinikas, tratamentu ema ne’ebé presiza atendimentu iha atividade sekundaria, tersiaria no kuarsiaria.
“Ohin loron ami realiza workshop Nasionál ne’e, ami atu konsolida planu bá programa Saúde na Familia hahú ohin loron to’o Dezembru 2020,” dehan Izabel Maria Gomes, ba Jornalista sira iha salaun Novo Turizmu, (24/08/20).
Diretora ne’e relata, Programa Saúde Na Familia (SNF), kada sentru saúde iha territóriu Timor laran, koloka ona liu hosi médiku, parteira no enfermeiru sira ne’ebé existe ona iha ida-idak nia postu Saúde, ne’e duni postu saúde ne’ebé seidauk iha rekursu sufísiente sei halo kontaktu rejimentu internal.
Enkuantu tuir nia, hahú loron 1 fulan Setembru 2020, ekipa profesionál saúde sira sei vizita hikas uma kain sira, hodi reajista dadus ne’ebé seidauk kompleta no atualiza mós informasaun kona-bá kondisaun saúde komunidade sira nian.
Jornalista : Juvita dos Santos
Asistente Editór : Egidio Nono
