Lafaek News-Ministru Asuntu Parlamentar no Komunikasaun Sosiál (Mapkoms) Francisco Jerónimo Kinta (13/8), hasoru malu ho Prezidente Parlamentu Nasionál (PPN) Aniceto Guteres hodi informa kona-ba alterasun lei Mígrasaun Ajílu nomós Sistema Saúde, ne’ebé governu haruka mai ona iha Parlamentu Nasionál.
Governu liuhosi MAPKOMS mai konfirma hikas ba prezidente PN kona-ba lei refere, tanba altura ne’ebe governu mai aprezenta deklarasaun estadu emerjénsia, deputadu sira kontinua ejiji lei sistema saúde no lei mígrasaun, ajílu, maibé proposta alterasun kona-ba lei mígrasaun, ajílu ne’e ho sistema saúde, governu haruka tiha ona, no agora iha hela Parlamentu Nasionál.
“Ohin mai halo inkontru ho Prezidente PN, kona-ba lei sira ne’ebé hanesan ita boot sira rona iha plenáriu PN, kona-bá lei sistema saúde, Lei mígrasun, no ajíliu, ne’e deputadu sira dehan, lei sira ne’e seidauk lori mai Parlamentu Nasionál dehan katak, governu la repara buat sira ne’e, Entaun ha’u mai atu ko’alia fila-fali ho prezidente Parlamentu Nasionál atu fó hanoin fali, tanba lei ne’e governu lori tiha mai parlamentu nasionál antes resesu,” haktuir Ministru Asuntu Parlamentar no Komunikasaun Sosiál, Francisco Jerónimo Ba jornalista iha Resintu PN, hafoin hasoru malu ho PPN, Kinta (13/08/2020).
Nia esplika, kona-bá lei migrasaun ajílu, no sistema saúde ne’e iha laran, atu fó posibilidade ba governu foti desizaun bainhira, mosu situasuaun kalamidade, liu-liu surtu Pamdemia covid-19 ne’ebé mosu iha TL.
“Hosi lei ne’e oinsa mak bele fó baze legal ba governu atu bele halo asaun ruma, atu limita ema sidadaun sira nia sirkulasaun, bainhira kuandu moras sira ne’ebe atu akontese,”dehan nia.
Atu aselera prosesu alterasaun lei ne’e máka, Ministru Francisco fó hanoin ba PPN, karik bele halo dalan halonusa para konvida fali deputadu sira, oinsa bele deskute lei ne’e, atu nune’e fó konpeténsia ba Governu.
“Kuandu estadu emerjénsia dahat nian dia 4 ne’e remata, se lei ne’e hotu ona, lori ba Prezidente Repúblika bele promulga, Para ita lalika hamosu tan estadu emerjénsia, maiée se EE remata máka lei ne’e laiha, ne’e ami foin haree fali alternativu seluk,” nia dehan.
Hafoin inkontru ne’e nia dehan, asuntu kona-ba lei seluk maka lei konvensaun internasionál sira ne’ebé ko’alia kona-bá nota intendimentu nasaun ho nasaun, relasiona mós ho aviaun, nune’e nota intendimentu oinsa máka proteze labarik sira nia diretu.
Jornalista : Egidio Nono
Editór : Floriano Soares
