Provas Hatudu Aviaun Air North Aproveita Tula Sasan Privadu

Lafaek News–Governu konstitusional da-ualu kontratu aviaun Airnorth iha loron 07 Abril 2020, kada Voo ho folin rihun sanulu resin lima (15.000.00) hodi tula de’it materiál Covid-19, realidade membru balun mós aproveita tula sasan privadu hosi Australia mai Timor Leste.

Antese ne’e, Lafaek News halo públikasaun iha dia 20 Maiu 2020, ho titlu “Deskonfia Ekipa SIJK Covid-19 Tula Materiál Privadu Iha Aviaun Air North” ne’e hetan kritika hosi ekipa Covid-19 iha Timor Leste. 

Dadus jerál Aviaun Airnroth Tula Materiál Covid 19 no Material privadu mai Timor Leste, durante fulan rua hahú hosi fulan Abril to’o Maiu 2020.

                                                                         Tabela fulan Abril tinan 2020

                                                                         Tabela Fulan Maiu 2020

Iha loron 2 fulan Abril tinan 2020 aviun Airnorth ho flight tl900/TL515 tula pasajeru husi Australia tula mai Timor Leste nian 9 husi Timor Leste ba Australia nain 23 no sasan husi Australia 118.00 no sai 24.

Hatan ba preokupasaun ne’e, Porta Voz Sentru Integradu Jestaun Krize (SIJK), Rui Maria de Araújo, hatete, informasaun ne’e sala, maibé los duni ita nia duadores sira ita nia voluntariu sira haruka mai Timor-Leste, los duni iha sasán  balun haruka mai uza Sentru Integradu nia naran, no tau duni porta voz SIJK ida nia naran.

“Porta voz ida hamriik hela iha ne’e (doutór Rui Araújo), maibé sasán privadu ida nunka mai, só iha de’it sasán ne’ebé iha relasaun ho doasaun mai ne’e hanesan maskras, iha semana primeiru kedas hahú estadu  Emerjénsia, momentu ne’e ita seidauk iha termu sceaner, ne’ebé apoiu husi belun sira husi Austrália,”dehan Rui Maria de Araújo liu hosi konferénsia imprensa iha sala situasaun SIJK, Kinta (28/05)

Alfandega Konsidera Airnorth Tula Sasan “Titipan”

Diretór Nasionál Operasaun Alfandega, Julião José Ximenes, konsidera Aviaun Airnorth tula duni materiál Covid-19 no balu aproveita ho sasan privadu ne’ebé rekoñese sasan “titipan”.

Aviaun Airnorth ne’ebé mak tula materiál Covid-19 la’ós tula sasan privadu, maibé Alfandega seidauk iha informasaun kona-ba deskonfia léder no membru governu aproveita balu tula sasan privadu mai Timor Leste. 

“Iha duni sasan balun ne’ebé mak hanesan ‘titipan’, sasan ne’ebé fó tuir liu hosi pasajeirus hosi Austrália hanesan foin dadauk pesoál PNTL, no Imigrasaun sira mai husi Austrália, sasan sira ne’ebé mak titip mai ne’e na’in mak membru governu balu ne’ebé hetan moras,” dehan Diretór Nasionál Operasaun Alfandega, Julião José Ximenes ba Lafaek News iha nia kna’ar fatin, Tersa (26/05) 

Nia hatutan, Sasan privadu ne’e mak hanesan aimoruk ne’e ho kaixa kiik de’it hodi konsumu ba sira nia privadu, ida ne’e mós ami sempre koopera ho ofisiál saúde ne’ebé destaka iha Aeroportu Internasionál Nicolau Lobato Comoro, haree depois sira klarifika katak ida ne’e aimoruk, maibé aimoruk ne’e la’ós atu fa’an, maibé konsumu ba sira nia moras privadu.

Diretór Nasionál Operasaun Alfandega, Julião José Ximenes, esplika, sasan ne’ebé tula hosi aviaun Airnorth mai Timor-Leste, sé sasan nia valor liu hosi dollar atus tolu (300.00) ne’e tenke selu taxa, maibé tun husi dollar atus tolu ne’e sei la selu. 

“Sasan sira ne’ebé kuandu lori mai sira la selu taxa kuandu liu husi prosesu ida ne’ebé mak injensaun de taxa, hanesan aimoruk no sasan sira husi embaixada sira nian, hetan injensaun ida ne’e sira la selu taxa, maibé halai liu ba komérsiu tenke selu taxa,  no hanesan ami hakarak atu klarifika sasan sira mai liu husi hinkering ida ne’e sira la selu taxa,” nia esplika tan

Nune’e, iha loron 25 Maiu 2020, Airnorth tula sasan hamutuk 403 kg, sasan mak hanesan, tinta, mala, no kargo ka sasan COVID-19 nian hanesn desinfekta nomós tula ho pasajeirus estranjeiru hosi nasaun Austrália na’in ida.

Governu TL Kontratu Aviaun Airnort Tula de’it Materiál COVID-19

Hatan ba kestaun ne’e, Ministru Transporte no Telekomunikasaun (MTK), José Agustinho da Silva, hatete, governu Timor-Leste aluga aviaun Airnorth atu tula de’it materiál Covid-19, la’ós aproveita tula ho sasan privadu.

“Ha’u hetan duni informasaun ne’ebé lansa iha mídia Nasionál,  sobre asuntu ne’e, no konfirma ona tekniku sira iha terrenu liu-liu Autoriedade Aviasaun Sivíl nomós ANATL, sira mós klarifika kona-ba asuntu ne’e, katak aviaun Airnorth tula ekipamentus mediku hosi Austrália mai Timor-Leste sasan hirak ne’e hosi Nova Zelándia,” dehan Ministru José 

Nia esklarese ba públiku katak, governu Timor-Leste kontratu ho kompañia Airnorth, ne’e atu halo atendimentu ba nesesidade emerjénsia transporta ekipamentu medíkus mai TL.

Objetivu hosi kontratu aviaun Airnorth ne’e atu mantein ligasaun hodi atende nesesidade COVID-19 nian. 

Ministru ne’e mós honestu ba públiku katak, pozisaun iha aeroportu ne’e taka ba atividade komersiál, maibé ba de’it ekipamentus COVID-19. 

“Ha’u hanoin iha terrenu ita nia ema tekniku sira iha ne’eba autoridade aviasaun sivíl no ANATL nomós polísia imigrasaun sira servisu ho profesionál sira haree kualker VOU ne’ebé mak tama informasuan sempre tama mai ha’u, ne’ebé informasaun ne’ebé fó sai iha mídia nasionál, ita sei haruka tekniku sira tun  direita ba haree iha aeroportu, ” esplika Ministru José

Tuir fonstes Anonimu iha aeroportu, hatete, kuaze na’in lima hosi membru Governu da-ualu nia sasan nomós kompañia privadu sira, entaun konsidera privadu ne’ebé mak tula hosi aviaun Airnorth.

“Durante aviaun Airnorth kada vou ne’e, tula de’it materiál Covid-19,  2 to’o 5 kelo grama, mais restu ne’e sasan privadu de’it, tuir lolos governu tenke tula dala ida de’it, labele tula uituan-uituan tanba governu aluga ho osan boot,” tenik fontes anonimu ne’e

Ekipa           : Lafaek News