Lafaek News—Ministru Reforma Lejislativu Asuntu Parlamentar Fidelis Leita Magalhães, afirma governu Timor-leste Selu Aviaun Airnorth ne’ebé Voo dala tolu kada semana ho presu $15 Mill, ho objetivu lori amóstra ba Darwin atu halo komfirmasaun.
“Iha presun e’ebé kompetitor aviaun kompania hotu-hotu fó, Airnorth ne’e di’ak liu tanba presu Ṩ 15 mil de’it, kompetitor seluk husu presu liu ida ne’e, tres vezes liu fali Airnorth ne’e,” dehan Fidelis ba Jornalista hafóin partisipa iha ekontru lina ministerial iha edifisiu Ministriu Finansan Ai-tarak foin lalais
Governante ne’e akresenta, kona-ba Aviaun Airnorth ne’e fó presu baratu tanba ligasaun importante entre nasaun Timor-Leste, no parseiru di’ak ho país viziñu Austrália.
“Airnorth nia argumentu katak ne’e importante hodi asegura, tanba ita- nia parseiru ne’ebé iha situsaun defisil hanesan ne’e, hanesan parseiru nia labele so’e hela Timor, tamba ne’e mak konkorda ho ida ne’e,” tenik nia
Governante ne’e dehan, kontratu ho Airnorth ne’e presu Ṩ 15 mill ba mai Timor Leste, see husi mak tula kargu ruma to’o fulan ida remata selu montante $3 mil ba estadu Timor-Leste.
“Entaun ita so selu $ 12 mil de’ti ba Austrália,” hatete Fidelis
Entretantu, aviaun refere tula sampel ka amostra hosi suspeitu Covid-19, hosi Timor ba Austrália alende Airnorth mós bele tula ekipamentus no medikamentu sira husi Austrália lori fali Timor.
Jornalista :Pedro de Almeida
Editor : Nelya Barros
