Lafaek News—Xefe Investigasaun Kriminál PNTL, Henrique da Costa, informa ohin loron 20 de Maiu, oras tuku 11:30, aviaun Air North tula tan Timor oan na’in sanulu resin ida (11), hafoin fila husi nasaun afetadu Austrália no oras ne’e subemete ona ba konfinamentu obrigatóriu iha Otél Time Square Fatu-Hada.
“Ami preukupa ida ne’ebé ba tuir kursu iha Austrália, kompostu husi PNTL nian espesífiku iha investigasaun, Unidade Polísia Marítima (UPM), Unidade Polísia Fronteira (UPF),no polísia Imigrasaun, parte Alfándega ho ANATL,” ,dehan Henrique da Costa, iha Aeroportu internasionál Nicolau Lobato, komoro,20/05.
Henrique fundamenta, katak membru PNTL hirak ne’ebé kompostu hosi imigrasaun, polísia fronteira, no marítima, ne’ebé ba Austrália tuir formasaun.
“Ami arranka husi Timor-Leste ba Austrália iha dia 15 de fevereiru no tuir kursu iha loron 17 de fevereiru no tuir lo-loos fila iha loron 18 ne’e, maibé tanba situasaun hanesan ne’e entaun ami foin fila ohin”, dehan xefe investigasaun kriminal,
Enkuantu tuir observasaun abitante sira ne’ebé ohin husi Austrália mai Timor, kompostu Polísia Investigasaun 1,UPM na’in 1,UPF,1 no husi Imigrasaun ema nain 3, inklui na’in tolu hosi alfándega, iha mós parte ANATL 1,Sasán hirak ne’ebé aviaun Airnorth tula hamutuk kilu 687, mak hanesan pasta, luvas, maskra no liquidu,
Entretantu,Timor oan na’in sanulu resin ida ne’e oras ne’e sei kumpre konfinamentu obrigatóoriu iha Otél Time Square, Fatuhada, durante loron 14.
Jornalista : Egidio Nono
Editór : Nelya Barros
