Lafaek News-Prezidente Parlamentu Nasionál, Aniceto Guterres, hatete Parlamentu Nasionál sei prepara hela komisaun Organizadora hodi realiza serimónia rituál atu troka meza parlamentu foun ne’ebe deputadu sira estraga iha loron 18-19 fulan Maiu 2020.
“Ami prepara hela no horseik hau reuniaun ho sekretaria jerál no komitiva hodi forma komisaun organiza atu prepara ba serimónia rituál ne’e, tanba atu troka fali meza ida rahun ne’e tenke halo fali meza foun ida hodi tau netik iha ne’eba atu presidenzia no komponente tomak bele okupa fatin ne’e,” katak Aniceto Guterres, ba Jornalista sira hafoin hasoru malu ho PR Lú Olo, iha palásiu prezidensia Bairu-pite, kuarta (3/06)
Lider órgaun lezislativa ne’e akresenta meza foun ba PN tenke halo foun hodi troka ida ne’ebé estragus, restu halo tuir rituál kultura timor nian, maibé la’os fasil, más tenke la’o tuir regras no dalan.
“Ami inísia ona hodi halo preparasaun ba iha ne’eba, too ikus sei taka ho rituál kultural ho relijioza nian, ami ko’alia ho amu bispu atu hatudu padre ida hodi mai fó bensa ba PN hafoin serimonia rituál nian,” tenik Aniceto.
Jornalista : Sabina Barreto Klau
Editora : Nelya Barros
