Lafaek News—Vise Ministru da Saúde, Bonifacio Maucoli dos Reis, informa, governu liu husi Ministériu Saúde sei apoiu orsamentu 2020 ho montante $90 mill ba Klínika Bairu Pite.
“ita agora halo hela orsamentu para ajuda sira ne’ebé sira nafatin funsiona hanesan klinika primaria iha rekursu umanu finanseiru estadu bele ajuda,”dehan Vise ministru saúde, Bonifacio Maucoli dos Reis, iha hafoin partisipa iha debate OJE 2020 ba loron daruak, 02/09.
Vise ministru saúde ne’e reafirma orsamentu jerál estadu 2020 nian, sei prevee ho montante $90 mill ba klínika Bairu Pite
“ita tau orsamentu 2020 por volta $90 mill ba klinika Bairu Pite,”dehan Maucoli.
Antes ne’e klinika Bairu-Pite buka rasik fundu husi doador sira liu-liu ajuda husi Autrália hodi halo tratamentu ba povu Timor-Leste ne’ebé afeta moras hanesan TBC, Kankru no seluk tan.
Jornalista : Egidio Nono
Editora : Nelya Barros
