NOTÍSIA JERÁL · 3 Nov 2020 12:26 ·

SEJD Kondena Autór Oho Joven Feto Ho Nia Inan


SEJD Kondena Autór Oho Joven Feto Ho Nia Inan Perbesar

Lafaek News-Sekretariu Estadu Juventude no Desportu, Abrão Saldanha, kondena maka’as autór ne’ebé oho feto ida ho nia inan rasik iha aldeia Terra Santa bairru Raikotu iha kinta semana ne’e.

Iha komunikadu imprensa ne’ebé lafaek news asesu iha sábadu husi media ofisial SEJD, sita katak iha insidente mosu suspeitu ida ho inisial LH tenta hakanek feto ida ho no oho feto ne’e nian rasik  iha Kinta kalan semana ne’e, joven feto ne’e hetan tentativa asaltu sexual no tanba hakilar husu tulun,  suspeitu lori tudik sona joven feto ne’e halo nia sofre kanek iha parte liman no kaba’as.

 Alende hakanek joven ne’e, suspeitu LH mós sona joven feto ne’e nia inan ne’ebé tenta atu salva nia husi aslatu seksual ne’ebé mak hakotu joven feto ne’e nia inan rasik mate kedan iha fatin.

“Lori Sekretaría Estadu Juventude no Desportu tomak nia naran, ha’u hakarak atu kondena ho forte tebtebes áktu krimi ne’ebé ha’u nia maluk joven feto ne’e ho nia inan faluk simu iha sira nia uma laran rasik,” hateten SEJD Abrão Saldanha, liu husi komunikadu inpresa ne’ebé lafaek news asesu iha, sabadu, (31/10/2020).

“Ita joven sira hotu iha dever boot no presiza halo buat hotu ne’ebé ita bele atu garante katak ita joven sira, liuliu joven feto sira, ita nia inan feton sira sente katak sira siguru no bele moris la ho tauk iha sira nia uma no sira nia komunidade,” tenik nia.

Enkuantu Sekretariu Estadu Abrão Saldanha hato’o sentidus kondolensias klean ba maluk joven feto ne’e tamba lakon nia inan doben no apela mós ba autoridade kompetente hotu-hotu atu investiga no hatur justisa ba vítima sira ba krimi ida ne’e.

Nune’e mós Sekretariu Estadu Juventude no Desportu mós informa ba autoridade konpetente atu tulun joven ne’e, atu bele rekopera fila fali.

“Apela ba autoridade no entidade kompetente sira hotu atu tulun ami nia maluk joven feto ne’e atu nia bele rekopera husi trauma ne’ebé nia sofre hanesan konsekuensia husi krimi sira ne’e,” dehan iha komunikadu.

Jornalista         :  Pedro de Almeida

Editora               : Nelya Barros

1,121 Views
Artikel ini telah dibaca 12 kali

badge-check

Editor

Baca Lainnya

CNC Asina Nota Entendimentu ho Asosiasaun Profissionais Psikolojia Timor-Leste

29 February 2024 - 08:58

LH Rezeita Adezaun ba WTO, Presiza Proteje no Promove Ekonomia Rai Laran

27 February 2024 - 17:11

Jornalista Global Unida ba Jurnalismu Dame Iha Dezafius Internasional ne’ebé La Estavel  

24 February 2024 - 15:40

PR ho PPN Diskute Preparasaun Viajen ba Abudabi  

21 February 2024 - 08:33

PR Ezonera Kalohan Husi Kargu Embaixadór TL ba RI

21 February 2024 - 08:22

Deputadu Antonio Klarifika Hasai Olinda Husi Prezidente Bankada KHUNTO

13 February 2024 - 15:34

Trending di POLÍTIKA