Lafaek News-Diretór Permakultura Timor-Leste (PERMATIL), Eugenio Lemos ‘Ego’, hatete, Kria debu akaptasaun udan been sei ajuda fornese bee moos ba komunidade liuhosi bee matan.
Hosi kria debu ba akaptasaun udan been ne’e sei infiltra ba rai laran, depois sai ba mota nomós hamoris nafatin bee matan.
“Kria debu ‘buatan’ ba fatin akaptasaun ne’e bee sei infiltra ba fai mout iha rai laran, depois sulin ba mota nomós bee matan entaun, ita halo predisaun tinan lima mai bee ne’ebé durante maran sei sulin normal nafatin hanesan bai-bain,” Informa Ego Lemos ba Lafaek News, iha ambitu observasaun ba fatin debu iha suku Dare, (03/10/2020)
Ego hatutan, bainhira bee matan sira sulin hikas entaun bele fornese ona bee ba komunidade hodi kuda modo, hakiak ikan, hemu no seluk tan.
“Ida ne’e hanesan ideia, ita halo akaptasaun, maske ita haree simples, maibé nia benifísiu ne’e boot no la’ós ba ema ida de’it, maibé ba ema barak,” Garante Ego Lemos.
Jornalista : Egidio Nono
Editór : Floriano Soares
