NOTÍSIA JERÁL · 3 Nov 2020 09:04 ·

Rosalia Mehi Sai Líder Ba Jerasaun Foun, Maske ho Kondisaun Difisiénsia 


Rosalia Mehi Sai Líder Ba Jerasaun Foun, Maske ho Kondisaun Difisiénsia  Perbesar

Lafaek News-Rosalia Teresa Pereira (22) ho kondisaun difisiénsia ain durante tinan sanulu resin haat (14) hamaluk de’it ho kadeira roda (kursi roda), maibé la hamate vontade atu aprende ho nia mehi sai lideransa ba jerasaun foun. 

Difisiénsia Rosalia Tereza Pereira partisipa Formasaun lideransa ne’ebé mak organiza hosi RYLA, iha Unio Training Center Diocese Díli. Domingu (04/10/2020)

Rosalia Teresa Pereira oan hosi Idelfonso de Oliveira no Barbara Henrique Pereira ho Maun Alin nain sia (9) hosi aldeia, Sahan, suku Wenunu, postu administrativu Metinaro, munisípiu Díli.

Istória ne’ebé Rosalia nia Aman Idelfonso de Oliveira konta katak, oan Rosalia nia kondisaun ne’e foin akontese iha tinan 2006, nia la’o ho kolega sira ba foho máka monu tun rezulta nia kondisaun hanesan ne’e. 

“Ha’u nia kondisaun ne’e hanesan prezenti ida mai ha’u aprende, oinsá sai liderasan di’ak atu bele fahe matenek ba komunidade sira liu-liu ba maluk difisiénte sira,” dehan Difisiénsia Rosalia ba Jornalista hafoin partisipa formasaun lideransa ne’ebé organiza hosi RYLA, Domingu (04/10/2020) iha Unio Training Center Diocese Díli.

Nia haktuir, maske, hasoru difikuldade barak, hahú hosi aplay vaga ne’e mai to’o ohin loron buat hotu la’o ho di’ak, tanba kordenasaun di’ak tebes ho fasilitadór sira.

Durante ne’e, Rosalia halo Estudu iha Eskola Ekuivalénsia iha Kupang, tanba eskola ekuivalénsia iha Timor-Leste entaun tenke ba eskola iha Kupang, maibé agora ne’e halimar iha uma de’it  tanba situasaun Covid-19.

“Ami atus ida (100) mák tuir formasaun kona-ba lideransa nian, maibé ha’u mak ketak los iha sira nia leet, maibé ida ne’e halo ha’u haksolok liu tan, tanba ne’e hanesan oportunidade di’ak mai ha’u atu kompete ho kolega sira seluk, maske ho kondisaun difisénsia atu labele tauk atu aprendeho kolega sira seluk,” Rosalia dehan ho kontenti.

Nune’e, Aman Rosalia, Idelfonso de Oliveira, hatete, hanesan aman tenke halo tuir nia hakarak, maske nia difisiénsia, maibé nia hakarak aprende entaun hanesan aman tenke apoiu.

“Ha’u mai hein nia, tanba nia hakarak aprende ka estudu ba nia futuru, ha’u hasoru dezáfiu tanba lakon atividade hanesan ema agrikultór, maibé hanesan aman ha’u tenke halo tuir nia hakarak sé ha’u la halo tuir nia hakarak nia bele halerik liafuan ida mai ha’u katak, ha’u hakarak tuir buat di’ak ida, maibé ha’u nia aman labele ajuda ha’u, tan ne’e mak akompaña nia durante semana ida,” tenik Idelfonso.

Jornalista  : Julião de Andrade

Editór         : Floriano Soares

1,107 Views
Artikel ini telah dibaca 25 kali

badge-check

Editor

Baca Lainnya

Defisiénsia Nikin Halerik Kadeira Roda 1 Iha Sikun Balun Husi Sidade Iluzaun

15 September 2023 - 09:31

Grupu Motor Trailer TL Hakman Kbi’it Laek Adriano Melo Nia Terus

8 September 2023 - 14:33

Daniel Haan Talas Dodok Hodi Hakbiit Rezilénsia Moris  

1 September 2023 - 16:28

ADTL Organiza Akampamentu LSBE Kona-ba Protesaun Matan

1 September 2023 - 15:06

ANCITL Deteta Kazu Soe Bebe Porsentu As iha Baucau ho Dili  

29 August 2023 - 13:18

Cruz Vermelha Austrália Oferese Laptop Unidade 13 No Komputador 13 Ba CVTL  

17 August 2023 - 13:09

Trending di NOTÍSIA JERÁL