Lafaek News–Komandante Polísia Nasional Timor-Leste (PNTL) munisípiu Likisá, Superintendente Polísia Umbelina Soares informa, durante pamdemia situasaun iha munisípiu Likisá la’o Kontroladu.
“Situasaun jerál iha munisípiu Likisá neste momentu situasaun la’o kontroladu, tanba ema hotu bele asesu movimentu maibé nafatin kumpre regulamentu husi Ministeriu saúde fo sai ona,” dehan Komandante Munisipiu Likisa Umbelina ba jornalista iha Likisá, Segunda 06/09/2021.
Komandante PNTL munisípiu Likisá ne’e relata, Durante iha situasaun Pandemia PNTL munisipiu Likisá sempre halo atividade pasa revista iha tempu kalan no loron ba sidadaun Timor ne’ebé tama sai iha munisipiu Likisá.
“Hahú husi inísiu prevensaun korona virus ami hamutuk ho liña kordenasaun hanesan Parte saude nian ami nafatin mantein halao atividade pasa revista husi postu administrativu ida ba postu seluk iha area juridiku munisipiu likisa ninia husi loes ba too tasi tolu fronteira entre Dili ho likisa.
Entretantu komandante munisipiu Likisa, Superintendente polísia Umbelina Soares dehan, iha nia parte sempre organiza membru PNTL sira hodi halo pasa revista atu evita movimentu iha munisipiu Likisá.
Jornalista : Orlando Magno
Editór : Agapito de Deus
