Lafaek News–Komandu Polísia Nasional Timor-Leste (PNTL), munisipiu Dili liu husi seksaun Tránzitu munisipiu Dili halo operasaun durante loron tolu husi 01-03/09/2021 konsege hatama koima ba estadu hamutuk $. 5.227.00.
Komandante Tránzitu munisipiu Dili, Inspetor Polísia Domingos Gama informa, Durante loron tolu tranzitu munisipiu Dili halo operasaun prende transportes tanba kontra sinais tránzitu, maibé barak liu laiha xapa matríkula.
‘‘PNTL liu husi seksaun Tránzitu halo operasaun durante loron tolu, evidensia hamutuk 263 dentru loron tolu nia laran nee mos ita hatama osan ba kofre estadu hamutuk $ 5.227,”dehan komandante Tranzitu munisipiu Dili Domingos Gama ba jornalista iha nia knaar fatin kaikoli Dili, Segunda 06/09/2021.
Gama esplika, Transporte balu ne’ebé dokumentu mate iha situasaun atual nia laran konsidera ne’e válidu entaun tránzitu halo operasaun durante ne’e haree liu ba transporte ne’ebé xapa matríkula laiha, kontra orden autoridade no mos infrasaun sira seluk.
“Fo hatene ba publiku sira karik Sapa matrikula monu ka dodok bele mai komandu PNTL munisípiu Dili, parte Tranzitu Dili loke dalan ba publiku nunee sira bele mai trata sira nia dokumentu hanesan xapa matríkula nian,” Gama relata.
Gama afirma, Iha fulan kotuk asidente iha munisípiu Dili hamutuk 71 asidente fatal rua no mos infrasaun ne’ebé envolve hanesan, motor governu nian 13, kareta privadu 47, motor privadu hamutuk 395, kareta publiku 20 evidensia neebe ita rai iha komandu hamutuk 276.
“Durante fulan Agustu iha infrasaun hamutuk 759 no mos iha fulan agustu nee ita hatama osan ba kofre estadu hamutuk $. 25.966.00,” nia deklara.
Tuir dadus fulan agustus nian, Seksauk Tránzitu munisipiu Dili prende Motor la uza xapa matríkula hamutuk 155, kontra orden autoridade 153, la uza kapasete 114, la lori dokumentu 125, transporte barak liu laiha xapa matríkula.
Jornalista :Orlando Magno
Editór : Agapito de Deus
